“Ekkewe Aposel ra Anganga eu Misin ngeni Breat Britian,” Porousen Doctrine and Covenants (2024)
“Ekkewe Aposel ra Anganga eu Misin ngeni Breat Britian,” Porousen Doctrine and Covenants
July 1838–July 1841
Ekkewe Aposel ra Anganga eu Misin ngeni Breat Britian
Epinukunuku an ewe Samon kewe pwon
Non ew pwarata ngeni Joseph Smith, ewe Samon a kokkori ekkewe Aposel ngeni eu misin epek ewe sat ngeni Great Britain. Inamo ika a weires ngeni Joseph an ekkewe Aposel repwe towaweno, a epinukunuku ewe Samon. A pwan weires ngeni ekkewe Aposel ar repwe nikiti ar kewe famini. Nge ewe Samon a fen pwon epwe efeiechur.
Doctrine and Covenants 118
Heber C. Kimball me punuwan we, Vilate, a kukkun ar famini. A wor emon nour monukon a chok eu maraman. Chommong chon ar famini ra fokkun semwen.
Souneng, 1:405
Brigham Young a pwan semwen, me an famini mi woungaw. Nge punuwan Brigham we, Mary Ann, a ereni, “Feino me apwonueta om misin, me ewe Samon epwe efeiochuk.”
Souneng, 1:404–5
Brigham a poputa ne feino, nge atun ewe fansoun a tori imwen Heber we, a fokkun apwangapwang ese tongeni fetan. A nom ren an Heber famini non fitu ran.
Souneng, 1:405
Mary Ann Young a eto epwe tumunu Brigham tori i me Heber ra ekis pochokun ar repwe feino. Ir me ruemon ra fokkun apwangapwang, nge ra mochen afanafana ewe kapas allim.
Souneng, 1:405
Heber me Brigham ra apasa ar kopongen keimu ngeni punuwer kewe me tota won mwirin efoch waken. Ra mefi netipengaw ar su seni ar famini ir mi semwen me woungaw. Nupwen ewe waken a sano, Heber a apasa ngeni Brigham, “Ei mi weires.” A mochen anisi ar kewe famini repwe mefi pwaracho. A tingorei ewe chon uwei ewe waken epwe kouno.
Souneng, 1:405–6
Seni non ewe imw, Vilate a rong eu akurang. A feito ngeni ewe asam, ikewe Mary Ann a uta ie. Ra kuna Heber me Brigham ra uta mwirin ewe waken, ra akkanipou akkawer kewe non ewe asapwan me puchor, “Hurrah! Hurrah! Hurrah ren Israel!” Ekkewe fefin ra ponuweni, “Oune no! Kot epwe efiochu kemi.”
Souneng, 1:406
Mwirin eu nakatamen sai epek ewe sat, Heber me Brigham ra tori Great Britain. Fiti ekkoch Aposel, ra aiti chommong aramas usun Jises Kraist me An kapas allim. Ngeroun aramas ra papatais me choni an ewe Chon Amanau we Mwichefen.
Souneng, 1:408–11
Chommong me nein ekkewe aramas ra papatais non Great Britain ra mwokut ngeni Nauvoo ar repwe aninis ne aueta ewe teninimw me ewe tempel. Ewe Samon a apwonuetta An pwon pwe epwe tumunu an Heber me Brigham famini nupwen ra angang ngeni I usun misineri.
Souneng, 1:437–39