Sidney me Phebe Rigdon

Parley Pratt me ekkoch chienan ra feino pwe repwe chiechi fengen won ewe kapas allim ngeni ekkewe Chon Natvie America. Non ar fefetan, Parley a mochen epwe mwo kaouno pwe epwe churi chienan we Sidney Rigdon. Sidney emon chon akafanafan ewe a afanafan ngeni Parley usun Jises Kraist non ewe Paipel. Iei Parley a mochen epwe afanafan ngeni Sidney usun Jises non ewe Puken Mormon.

Doctrine and Covenants 32; Saints, 1:99

Parley a kapas ngeni Sidney usun ewe Puken Mormon me tingorei epwe aneani. Sidney ese fatoch, nge pokiten chiechian Parley, a pwon pwe epwe aneani.

Souneng, 1:100

Nupwen Sidney a aneani ewe Puken Mormon, a sinei pwe a feito seni Kot. A ereni punuwan we Phebe met mi mefi.

Souneng, 1:101

Nge Sidney ese fatoch met epwe fori mwirin. Ika a paptais, epwe tou seni an angang usun emon chon afanafan non an mwichefen. Ifa usun an epwe tongeni tumunu Phebe me nour kewe semirit? Met ekkewe aramas non an we mwichefen repwe mefi? A iotek ngeni Samach won Nang ren aninis, me a wor eu an memefin kinamwe.

Souneng, 1:101; Doctrine and Covenants 19:23

Sidney a eisini Phebe ika a mochen epwe fangetani ar manauen kinamwe me fiti i ne choni ewe minefon mwichefen. “Iei met ai mochen ai upwe fori mochenin Kot, a apasa, “manau ika mano.“ Ra ekieki ar repwene paptais.

Souneng, 1:101

Mwirin, Sidney a churi ewe Soufos Joseph Smith. Ewe Samon a ngeni Sidney eu porous seni Joseph. A apasa pwe afen kuna ekkewe mettoch mi och Sidney a fen fori me rongorong an iotek. Ewe Samon a ureni Sidney I a wor eu wachemuken angang fan itan an epwe fori. Sidney epwe fori mettoch mi auchea.

Doctrine and Covenants 35:3–4