Ewe Kirtland Tempel a Efeioch

Mwirin arapakan unungat ierin angang weires, ewe Kirtland Tempel a wesino. Ewe Soufos Joseph a akoi ekkewe Souneng ngeni eu auchean chufengen ar repwe efeiochu ewe tempel. I epwe apasa eu auchean iotek me ngeni ewe Samon ewe Tempel. Epwe winiti eu imwen ewe Samon mi pin.

Souneng, 1:235

Nesosorun ewe chufengen, ipukun Souneng ra tonong non ewe tempel. Nupwen meinisin kewe sea ra ur, aramas ra utta ren pen asamen me nukun, me nenong non asamocho. Meinisin ra pwapwa ne kuna ewe tempel an efeioch.

Souneng, 1:235–36

Joseph aneani eu iotek ne efeiochu ewe tempel. I a ureni ewe Samon pwe ekkewe Souneng ra asamonu I. I a aisini ewe Samon epwe etiwa ewe tempel pwe Imwan.

Doctrine and Covenants 109:1–5

Joseph a iotek pwe meinisin ion a feito ngeni tempel repwe mefi an ewe Samon manaman me sinei iei Imwan.

Doctrine and Covenants 109:13.

Joseph a pwan iotek pwe nupwen ekkewe Souneng repwe tipis, repwe tongeni mwitir aier. I a aisini ewe Samon epwe fang pochokun repwe aporausa An kapas allim ngeni fonufan unus. Mwirin ewe iotek, ewe mwichen kon ra kou eu kon minafo “Ewe Ngunun Kot.” Ekkewe aramas ra ur ren pwapwa. Ra utta me mwareiti ewe Samon.

Doctrine and Covenants 109:21-32; kom, no. 2; Souneng, 1:237

Chommong aramas ra kuna chon nang non ewe tempel ena ran. Ra kuna saram a feitiw seni nang won ewe tempel. Ekkoch aramas ra apasa pwe a nikinikin eu kuchu; ekkoch ara a nikinikin eu akkei. Ir meinisin ra mefi pwe tempel a eu neni mi pin. Iei a ennetin eu imwen ewe Samon.

Souneng, 1:237