Ewe Faminien Yanagida

Toshiko me Tokichi Yanagida ra nom non Japan. Ra nuku non Jises Kraist me ra fen choni An Mwichefen. Nge manau non Japan a weires non ena fansoun. Ewe maun a fen atano chommong imw me teninimw. Toshiko me Tokichi ra mochen aueta eu imw fan iten ar we famini, nge ra fokkun woungaw.

Souneng, 3:543

Ekkewe Yanagida ra sinei ewe Samon a mochen ir repwe moni eu-ne-engon, nge rese fatoch ika repwe tongeni. Toshiko a eisini emon misineri met repwe fori. “Eu-ne-engon a weires ngeni kem,” a apasa. Ewe misineri a pwone ngeni pwe ika repwe moni ar eu-ne-engon, ewe Samon epwe anisir repwe tikeri ar we mochen ne imweni eu imw.

Doctrine and Covenants 119; Souneng, 3:543–44

Toshiko me Tokichi rese fatoch. Ese naf nour mwoni ar repwe kamo enen nour we at non sukun. Nge ra finata repwe apinukunuku ewe Samon me moni eu-ne-engon.

Souneng, 3:543–44

Ewe Samon a efeiochu ewe faminien Yanagida. Mwitir chok ra tufichin moni ewe fonu me poputa ne aueta eu imw.

Souneng, 3:544

Eu ran emon chon chek a feito. A apasa pwe mi wor osukosuken fonuer we, me rese tongeni aueta eu imw ikewe. A ereni ekkewe chon angang repwe kouno.

Souneng, 3:544

Ekkewe Yanagiga ra fokkun netipengaw. Ra ereni ekkewe misineri met a fis. Ekkewe misineri ra apasa pwe repwe achikipin me iotek ren ekkewe Yanagida.

Souneng, 3:545

Mwirin, pwan emon chon chek a feito. A apasa pwe ewe osukosuken ewe fonu mi tongeni wesino. Ekkewe Yanagida ra tongeni aueta imwer we. “Ami meni oua fori och mettoch mi och,” ewe chon chek a apasa ngeni Toshiko me Tokichi. Ra sinei pwe ewe Samon a fen efeiochur. Ra pwapwa pwe ra fen epinukunuku I me moni eu-ne-engon.

Souneng, 3:545