“Souneng ra Kaeo usun Papatais ren ekkewe mi Mano,” Porousen Doctrine and Covenants (2024)
“Souneng ra Kaeo usun Papatais ren ekkewe mi Mano,” Porousen Doctrine and Covenants
August–October 1840
Souneng ra Kaeo usun Papatais ren ekkewe mi Mano
Epinukunuk ren chochon famini ekkewe rese papatais
Jane Neyman a nom non Nauvoo. A feino ren eu mei ma ikewe Joseph Smith a porous ie. Ewe mei ma a fori Jane an epwe ekiek usun noun we at Cyrus. A fen mano me ese papatais. Jane a aureki usun Cyrus. A sinei pwe sipwe papatais ach sipwe nom ren Samach won Nang.
Souneng, 1:421
Joseph a sinei ifa usun neminewe a mefi. I a akkom aureki usun ewe pwan chok mettoch usun pwin we Alvin, ewe a pwan mano nge ese papatais.
Souneng, 1:421
Ren ewe mei ma, Joseph a afanafana och mettoch Kot a aiti ngeni. A apasa pwe nupwen emon a mano nge ese papatais, sia tongeni papatais fan iter.
Souneng, 1:421
Jane a fokkun pwapwa an rong ei! Mwirin chok ewe mei ma, neminewe a feinno ngeni ewe chonupupu fiti emon elter seni ewe Mwichefen. Atewe a papataisei fan iten Cyrus.
Souneng, 1:421
Fitu wiik mwirin, Joseph a aiti ekkewe Souneng pwan ekkoch usun papatais fan iten ekkewe mi mano. A apasa pwe chommong ekkewe aramas a mano ra mochen repwe papatais. Ra mochen tapweno mwirin Jises Kraist. Ra uti me aneanei pwe chochon ar kewe famini ir mi chok manau repwe papatais fan iter.
Doctrine and Covenants 128:15–19; Souneng, 1:423
Ekkewe Souneng ra mwitir sa ngeni ewe chonupupu. Ra papatais fan iten ekkewe aramas ra tonger. Hyrum Smith a papatais fan iten Alvin. Mwirin, ewe Samon a aitir pwe papatais faniten ekkewe mi mano epwe fis non ewe tempel, emon epwe rekotini eu me eu papatais, me mwan repwe papatais fan iten mwan me fefin fan iten fefin.
Doctrine and Covenants 124:29–32; 127:5–12; 128:1–9; Souneng, 1:424