No seni Nauvoo me Feino Notou

Joseph Smith a mano. Iei Brigham Young me ekkewe ekkoch Aposel ra emweni ewe Mwichefen. Brigham a sinei pwe ekkewe Souneng rese chiwen tumun me non Nauvoo. Repwene mwokut. Nge akkom, ewe Samon a mochen ir repwe awesi forutan ewe tempel. I a mochen ir repwe fori pwon mi pin ngeni I me repwe ririfengen non ar famini.

Saints, 1:571, 579–80

Mwirin ekkoch maram, ewe tempel a monneta ren an aramas repwe fori pwon mi pin ie. Ngoroun Souneng ra feito ngeni ewe tempel. Brigham a nomwetiw non ewe tempel nepwin an epwe anisir ne fori pwon mi pin ngeni ewe Samon. Amuchunon, Brigham a ureni meinisin pwe mi auchea repwene no seni Nauvoo.

Saints, 1:582

Nupwen Brigham a neno non ewe soran, chommong Souneng ra witiwit ren ewe tempel. Brigham a urenir pwe ese chiwen tumun ar repwe nom non Nauvoo. Mi namot repwe kutta eu minafon nenier non Notou. A pwonei pwe ir mi tongeni aueta eu minafon tempel nupwen ra tikeri ikewe.

Saints, 1:582–83; 2:13–14

Nge ekkewe Souneng rese mwokut. Ra mochen fori pwon mi pin ngeni ewe Samon me mwen repwe poputani ar sai ngeni eu minafon nenier.

Saints, 1:583

Brigham a kuna meser me siwini an ekiek. A ounusa unusen ewe ran me pwan ewe ran mwirin ne anisi ekkewe Souneng ne fori pwon mi pin non ewe tempel.

Saints, 1:583

Iei ren an ekkewe Souneng ra fen fori ar pwon mi pin ngeni ewe Samon, a tori fansoun repwen no seni Nauvoo. Brigham mi sinei ewe Samon a amonnata eu neni fan iter. A fen kuna me non eu nemasepwi. Ra poputani ar sai. Ewe fansoun a patapat, me ewe pun a pwakak. Aramas ra semwen. A fen it ener mongo.

Saints, 2:16–18, 20–21

Ekkewe Souneng ir mi chok towaweno seni ikewe repwe no ie. Brigham a aureki ifa usun repwe tongeni fori ena nakatamen me weiresin sai. I a tingor ren an Kot aninis.

Saints, 2:46

Ewe Samon a ngeni Brigham eu pwarata. I a aiti Brigham ifa usun epwe emweni ekkewe Souneng. A apasa pwe repwe aninis fengen ne tumunu ekkewe mi woungaw.

Doctrine and Covenants 136:1–8

Ewe Samon a apasa pwe ekkkewe Souneng repwe chechemeni ekkewe pwon mi pin ra fen fori ngeni I. Ika repwe chechemeni, I epwe efeiochur me anisir won ar sai.

Doctrine and Covenants 136:4, 11, 42; Saints, 2:47

Ewe sai mi chiwen chok weires. Ekkoch aramas ra mano. Nge pokiten ar pwon mi pin non tempel, ekkewe Souneng mi sinei repwene kuna sefani chochon ar famini.

Ekkoch maram mwirin, ekkewe akkomwen Souneng ra tori ewe Salt Lake Valley non 1847. Nupwen Brigham Young a kuna ewe nemonun chuk, a apasa, “Iei ewe neni mi pung.” Ina chok pwan ewe neni i a kuna non eu nemasepwi. Ikeia ekkewe Souneng repwene tumun me ia. Ikei ra tongeni fen ngeni ewe Samon me fori An angang non kinamwe.

Saints, 2:17, 64–67

Non ekkewe ier, chommong me chommong Souneng ra wareto. Ra aueta pwan chommong tempel, ikewe aramas ra tongeni fori pwon mi pin ngeni ewe Samon. Ra tinano misineri non unusen ewe fonufan ar repwe afanafana ewe kapas allimen Jises Kraist. An ewe Chon Amanau Mwichefen a soposopono ne marino, a efeiochu noun Samach non Nang semirit ekis meinisin.