Liberty Jail

Chommong aramas ekkewe ra nom non Missouri rese sani ekkewe Souneng. Ewe government a tinano soufiu ar repwe amwokuturou. Ekkewe sounfiu ra tapweu Souneng seni imwer kewe, sonani mettoch seni imwer, me efiengawa chommong me neir.

Saints, 1:355–56, 362, 364

Ekkewe sounfiu ra kanapusei ewe Soufos Joseph Smith me ekkoch souemwenin Mwichefen.

Saints, 1:357–58

Joseph a eis ika mi tongeni epwe wor ekis an fansoun ren an famini. Ekkewe sounfiu ra ara apw. Ra angeiano Joseph me ekkoch chon kanapus.

Saints, 1:366

Eu pwin, Joseph me ekkewe ekkoch chon kanapus ra ausening nupwen nour kewe chon mas ra takiri usun ekkewe mettoch mi ngaw ra fen fori ngeni ekkewe Souneng. Joseph ese chiwen tongeni engino ne ausening. A uta me puchor, “Faneno!” A kapas ren an Kot manaman. Ekkewe chon mas ra nuokus. Ra omusomus me kouno ne kapas.

Saints, 1:367–68

Mwirin, ra wanong Joseph me chienan kewe non eu nenien kanapus non eu sopw itan Liberty. Ewe nenien kanapus a fokun patekich, kukkun, me kiroch. A chok wor ekkoch nimengawen fetin mi pwas repwe mour won. A chok wor ekis mwongo, me a fori ar repwe semwen.

Saints, 1:369–70, 374, 384–85

Joseph a ekiek chommong usun ekkewe Souneng. A tonger. A aureki usur. Nge i ese tongeni fori och mettoch an epwe anisir.

Saints, 1:385–86

Joseph a iotek fan chommong. A eisini Kot ifai I me pwata I ese anisi ekkewe Souneng. Met Kot a fen monnukano usun i me ewe Mwichefen?

Doctrine and Covenants 121:1–6

Kot a ponuweni an Joseph iotek. A apasa, “Nei, kinamwe epwe tori ngunum.” A ureni Joseph pwe an kewe weires resap nomofochono, me repwe murino ngeni. Kot a achema ngeni Joseph pwe Jises Kraist a fen weri mettoch mi kon weires seni. A pwonei pwe I epwe nom ren Joseph “feinfeino chok.”

Doctrine and Covenants 121:7; 122:5–9