“Lucy Morley me An Famini,” Doctrine and Covenants Tutunap (2024)
“Lucy Morley me An famini,” Doctrine and Covenants Tutunap
November 1830
Lucy Morley me An Famini
Chommong ra nuku me paptais
Eu ran, ewe ier 15 Lucy Morley a anisi an we neipor, Abigail Daniel ne eken uf. Nupwen ra angang, ra rong eu fichifich won ewe asam. Ekkewe unumon misineri. Abigail a etiwerenong. Ra apasa pwe Jises Kraist a tinireto ar repwe aporousa ngenir ew porous.
Souneng, 1:102–3
Ekkewe mwan ra ereni Abigail me Lucy pwe Jises a kori Joseph Smith epwe emon soufos. Ra pwan erenir usun ewe Puken Mormon.
Souneng, 1:103
Lucy a mairu, an Abigail a fokkun song. A fori an ekkewe misineri repwe tou me non imwan we.
Souneng, 1:103
Lucy a sinei pwe ekkei misineri ir noun Kot chon angang. A erenir repwe churi an we famini ra nom kukutiw won ewe an. “Semei we a nom eu mwain seni ikei,“ a apasa. “Feino me ina kopwe mongo me tumun ren.“
Souneng, 1:103–4
Lucy mi pung. Ekkewe misineri fokkun pwapwa ren ar mongo fengen ren an Morley we famini. Semen me Inen Lucy kewe rakan chiechi ngeni Sidney Rigdon. Ra nuku Jises a mochen repwe chiechi ngeni ekkoch won mettoch meinisin a wor rer. Ra kokorato ekkewe misineri repwe asukuner me chienenir.
Souneng, 1:104
Ena pwinin, arapakan nukenipwin, 17 aramas ra paptais. Mwirin ruu ran, pwan 50 aramas ra feito ngeni an Morley we famini ar repwe ausening ngeni ekkewe misineri, me ra tingor repwe paptais. Pwan mwo chienen Lucy we Abigail Daniels a siwini an ekiek ren ekkewe misineri. I me punuwan we ra finata pwe repwene fiti ewe Mwichefen.
Souneng, 1:105; Doctrine and Covenants 20:25, 37