Ekkewe Knight me Ekkoch ra Ioi ngeni Zion

Apwonueta an Samon koko

Polly me Joseph Knight ra mokut ngeni Ohio fiti ekkoch Souneng.

Polly me Joseph Knight ra nomw ren ar famili non New York. Ra sisinei ewe Soufos Joseph. Mwirin ar kaeo ewe kapas allim, ra finita repwe fiti ewe Mwichefen. Nupwen ewe Samon a aisini ekkewe Souneng repwe mokut ngeni Ohio, ekkewe Knight ra apwonueta.

Doctrine and Covenants 37; Saints, 1:33, 94, 109–110

Ekkewe Knight ra pwapwa nupwen ra tikeri non Ohio. Leman Copley, emon chon ewe Mwichefen, a apasa ekkoch ekkewe Souneng ra tongeni nomw won fonuwan we. A wor watten nenien repwe fot ateke me auweta imw. Joseph Knight me noun kewe at ra achocho ne angang ne amonata ewe fonu ren ataken.

Souneng, 1:126-27

Souneng ra mokut seni fonuwan Leman Copley.

Nge eu ran, Leman a siwini an ekiek ren fonuwan we. I ese chiwen mochen ekkewe Souneng repwe chiwen nom won. A ureni ekkewe Knight me meinisin repwe mokut.

Souneng, 1:127

Souneng ra aisini Joseph Smith met repwe fori.

Ekkewe Souneng ra aurek. Iei ese chiwen wor ian repwe nomw ie. Ra aisini ewe Soufos Joseph met repwe fori.

Doctrine and Covenants 54; Souneng, 1:127

Joseph a ureni ekkewe Souneng repwe no ngeni Missouri repwe auweta Zion.

Ewe Samon a apasa pwe ekkewe Souneng repwe no ngeni Missouri me auweta Zion. Zion epwe eu neni ian noun ewe Samon aramas repwe tongeni chufengen iei. Non Zion, repwe auweta eu tempel ian repwe angei pwon mi pin, ika pwon ngeni Kot. I epwe afeiochu ir ika repwe apwonueta ar kewe pwon mi pin. Ekkewe Knight ra pwapwa repwe sai.

Doctrine and Covenants 29:1–8; 42:30–36; 45:59–66; 54:6–9; 57:1–2; Souneng, 1:128

An Polly famili ra tumunu i won aner ngeni Missouri.

Nupwen ekkewe Knight ra sai ngeni Missouri, Polly a chouno non an semwen. Punuwan we, Joseph, me noun kewe at ra aureki esap manau tam. Nge Polly a ureni an famili pwe i a mochen nomw non Zion me mwen epwe mano. A watten an we mochen nap seni mettoch meinisin!

Souneng, 1:128

Mwirin taman ar sai, ekkewe Knight ra tori Missouri. Polly a uren kinisou ngeni ewe Samon pun a manau pwe epwe kuna. Ekkewe Knight ra ingeiti ningen ewe fonu. Ra nuku pwe repwe apwonueta an Samon kewe annuk ikkewe ne auweta Zion.

Souneng, 1:132

Souneng ra fot fau ne asina ian ewe minafon tempel epwe kautta ia.

Ekkewe Souneng ra apasa eu auchean iotek me aita ewe fonu Zion, ian noun Kot aramas repwe wareiti. Ewe Soufos Joseph a watiw efou foun fau pwe epwe esina ewe nepekin ewe tempel epwe nom ia. Ekkoch ran mwirin, Polly a sopweno. Ewe Samon a pwon pun ekkewe Souneng ekkewe ra wareiti Zion me mano repwe asoso non nang.

Doctrine and Covenants 59:1–2; Souneng, 1:132–33