“Samuel Smith a Aporousa ussun ewe Puken Mormon,” Doctrine and Covenants Tutunap (2024)
“Samuel Smith a Aporousa ussun ewe Puken Mormon,” Doctrine and Covenants Tutunap
1830–1832
Samuel Smith a Aporousa ussun ewe Puken Mormon
Eu puk mi efeiochu chommong
Ewe Samon a kokori Samuel Smith, pwin Joseph we kukun, ngeni ew angangen misineri an epwe aporousa ewe kapas allim. Samuel a churi John me Rhoda Greene me aporousa ngenir usun ewe Puken Mormon. John emon sou afanafan non pwan eu mwichefen. A apasa pwe epwe angei eu kapin ewe puk me katon ika emon me non an we mwichefen epwe mochen anneani.
Souneng, 1:99
Mwirin fitu maram, Samuel a niwinsefan. Rhoda a apasa pwe punuwan we ese kuna ion e mochen epwe aneani ewe Puken Mormon. A eniwinsefani ngeni Samuel.
Souneng, 1:99
Samuel a fokkun netipengaw. A kunsefan an epwene no, nge Rhoda a akouono. A apasa pwe a fen anneani ewe Puken Mormon me a sani.
Souneng, 1:99
Ewe Ngun mi Fel a ereni Samuel epwe ngeni sefani Rhoda ewe puk. “Tingorei Kot epwe ngeni an kapasen pwarata,“ Samuel a ereni neminewe. A aiti ngeni Rhoda usun ewe Ngun mi Fel me ifa ussun an epwe sinei pwe ewe Puken Mormon mi ennet.
Moronai 10:3–5; Souneng, 1:99–100
Samuel a niwin sefan ngeni imw seni an misin. Ese mwo paptaisini emon, me ekkoch aramas ra pwapwaiti ewe Puken Mormon.
Rhoda me John ra iotek, me ewe Ngun mi Fel a erenir pwe ewe Puken Mormon mi ennet. Iwe Rhoda a aporousa ewe puk ngeni mongean we, Brigham Young.
Souneng, 1:100
Brigham me chienan, Heber Kimball, ra kukuta an Jises Kraist we Mwichefel mi ennet. Ra aneani ewe Puken Mormon. Ra kaeo me iotek usun ewe kapas allimen Jises Kraist ren arapakan ru ier.
Non ei fansoun, Brigham me chienan we Heber ra feino ngeni Fan fiti ar kewe famini. Non eu me nein ekkei mwich, Brigham a rong emon misineri a aporousa an kapasen pwarata. Ewe misineri esap emon chon afanafan mi angangoch, nge Brigham a mefi ewe Ngun mi Fel nupwen a kapas. Brigham a sinei pwe a aporousa met mi ennet.
Brigham, Heber, me punuwer kewe, Miriam me Vilate, ra paptais. Ra tongei ewe Chon Amanau me An kapas allim Fitu ier mwirin, ewe Samon a kori Brigham me Heber repwe Noun Aposel me fori angangen misin. Pokiten Samuel a aporousa ewe Puken Mormon, chommonch aramas ra fiti an ewe Chon Amanau we Mwichefen.
Doctrine and Covenants 124:127–29; 126; Souneng, 1:215–16