Aníke Nde Resarái Nde Poriahuverekógui

Peteĩ mbo’ehára peteĩ jey ombo’eva’ekue peteĩ ballena—tuicha jepérõ—ndaikatúi omokõ peteĩ yvypórape umi ballena ijahy’o po’i rupi. Peteĩ mitãkuña’i ombohovái: ”Ha katu Jonás-pe omokõva’ekue peteĩ ballena”. Pe mbo’ehára ombohovái: ”Ndaikatúi upéva”. Oguerovia’ỹre gueteri upéva añeteguaha, pe mitãkuña’i he’i,”Néi, upéicharõ ag̃uahẽvo yvágape, aporandúta chupe”. Pe mbo’ehára ombohovái ñembohorýpe, ”Mba’e oikóta Jonás ha’érõ angaipa apohára ha ndohóirõ yvágape?” Peteĩ mitãkuña’i ombohovái: ”Upéicharõ nde reporandukuaa chupe”.

Ñande japuka, ha katu ndokañýiva’erã ñandehegui pe pu’aka Jonás ñembombe’u ome’ẽva opa ”imirĩva ohekávape vy’apavẽ”, ko’ýte umi ohasa’asýva.

Tupã omanda Jonás-pe ”oho hag̃ua Nínive-pe” he’i hag̃ua chupekuéra oñearrepenti hag̃ua. Ha katu Nínive ha’ékuri Israel-re oñemoĩpochyvéva—upéicharõ Jonás pya’e oho tape ojoavýva gotyoite voi, yga rupi, Tarsis-pe. Ohóvo okañy hag̃ua illamamiento-gui, ho’a peteĩ amavai oñapymíva yga. Oikuaaporã rupi upéva oikoha ha’e naiñe’ẽrendúi rupi, Jonás voi omoĩ ijehe oñemombo hag̃uáicha ýpe. Kóva ombopyta pe yguasu pochy, osalváva iñirũnguéra.

Milagro-rã, Jonás nomanói peteĩ ”pira tuicha” Ñandejára ”ombosako’iva’ekue” omokõrõ chupe. Ha katu ikangy pe tenda iñypytũ ha hasopávape mbohapy ára jave, oñendyvu peve ipahápe yvy ikãvape. Upérõ omboaje ha’e illamamiento oho hag̃ua Nínive-pe. Upevére, pe tavaygua oñarrepenti ha noñehundírivo, Jonás ipochy poriahuvereko ojehechaukáva hekoñemoĩva rehe. Tupã ra’arõkuaáre ombo’e Jonás-pe Ha’e ohayhuha ha oñeha’ãha osalva opa Iñemoñare.

Oñepysãngávo hetave peteĩ jeýgui hembiapópe, Jonás ome’ẽ peteĩ testimonio ñemanokuaápe, ”opavave ha’e ho’áva”. Nañañe’ẽi jepi peteĩ testimonio Je’águi. Ha katu jaguerekóvo ñeikũmby doctrina rehegua ha testimonio espiritual mba’ére peteĩteĩ ñande ñañorãirõ hína ñeha’ã moral, tete ha jehasa rehegua reheve ha’e tovasapy tuicháva. Ko yvy apére, ñana vai okakuaa, kangue hatãva jepe opẽ, ha opaite ”ndohupytýi Tupã gloria”. Ha katu ko ñemanokuaa jehasa—ha’e osẽva heta Adán ha Eva jeiporavógui—tekotevẽterei pe mba’ére ñande jaexisti haguépe: ”[ja]guereko hag̃ua vyʼapavẽ”! Ñande ru ypykue oñemoarandu haguéicha, jaikuaárõ iróva ha ñañandúrõ hasýva peteĩ yvóra ho’ávagui rupivénte ikatu jaikuaa jepe, ha jaguerovy’a, vy’apavẽ añetegua.

Pe Je’a testimonio ndoexcusái angaipa térã tekove rembiapokuéra ñembohovake vevúi, tapiaite ojeruréva ñeha’ãporã, virtud, ha responsabilidad. Ha katu omboguapyva’erã ñande ñeñanduvai umi mba’e ohovaírõ térã jahechávo jejavy moral ñande rogaygua, angirũ, térã sãmbyhyhárape. Py’ỹieterei ko’ãichagua mba’e ñanembojesareko umi kaguai ñorairõ térã py’arasýpe omokangýva ñande jerovia. Ha katu peteĩ testimonio mbarete pe Je’águi ikatu ñanepytyvõ jajoguave hag̃ua Tupãme Jonás omyesakãháicha, ha’éva, “iporiahuvereko, imbeguéva pochyrã, ha tuicháva py’aporãme” opavave ndive—avei ñandejupe—ñane ñeime jajehekyikuaa’ỹva tekoporãmba’ỹme.

Tuichavéva pe oikóva Je’a rupi jehechaukágui, Jonás ñemombe’u pu’akáre ohechauka ñandéve tape ohóva Upe ñanemosasõkuaávape umi oikóvagui. Jonás ijupe ñeikuave’ẽ osalva hag̃ua iñirũnguéra ha’e Cristo-icha añete. Ha mbohapy jey Jesús-pe ojejopýrõ guare Idivinidad jehechauka milagroso-re, Ha’e he’i pohýi ”noñeme’ẽmo’ãi jehechauka … ỹrõ Jonás jehechauka”, he’ívo Jonás ”mbohapy ára ha mbohapy pyhare oĩ haguéicha ballena ryepýpe; upéicha kuimba’e Ra’y oĩta mbohapy ára ha mbohapy pyhare yvy ryepýpe”. Pe Salvador ñemano ñe’ẽme’ẽ rehegua ha Jeikove Jey glorioso moha’anga ramo, Jonás ikatu naiporãmbái. Ha katu kóva ha’e avei ojapóva itestimonio personal ha jejokua Jesucristo-pe, oñeikuave’ẽva peteĩ ballena ryepýpe, taha’e oiporopy’apokóva ha inspirador.

Jonás jerure’asy ha’ẽ peteĩ yvypóra porã jehasa’asýpe mba’e, pehẽ tuichave oúva imba’e’apo rupi. Peteĩ sántope g̃uarã, mba’e ivaíva oúvo peteĩ jepokuaa, ñeñe’ẽ, térã jeiporavo ojeipota’ỹva rupi, oĩrõ heta ambue jeipota ha ñeha’ã porã tekojojarã jepe, ikatu ha’e ko’ýte oporojopýva ha ohejáva pe tapichápe oñeñandúvo ojehejareiha. Ha katu taha’e pe mba’e ivaíva ñambohovakéva oúva rupi térã nivel, oĩ akói yvy ikãva ta’ãromby, ñemonguera, ha vy’apavẽme g̃uarã. Pehendu Jonás-pe:

“Ajerure’asy che jehasa’asýre Ñandejárape … ; añaretã ryepýgui ajerure’asy. …

”Nde chemombógui pypukúpe, yguasu mbytépe; …

“[Ha] che ha’e, che ajeipe’áva nde resa renondégui; ha katu amaña jeýta nde templo marangatu gotyo.

“Umi ykuéra oĩ che jerére, che ánga peve jepe: pe pypuku ojere cherehe, umi yrupe ojerepa che akãre.

“Aha umi yvytyguasu guýpe; … ha katu nde egueru jey che rekove ñembyaígui. …

”Che ánga ipy’amanóvo … chemandu’a Ñandejárare: ha che ñembo’e ou … nde templo marangatu ryepýpe.

”Umi ohecháva vyrorei japu hesarái iporiahuverekógui.

”Ha katu che aikuave’ẽta ndéve aguyjeme’ẽ ñe’ẽpu rehe; che ahepyme’ẽta pe añe’ẽme’ẽva’ekue. Pe salvación Ñandejára mba’e“.

Ohasa jepérõ heta ary, ikatu amombe’u peẽme moõpa aguapy ha mba’épa añanduva’ekue pe ára, aĩvo peteĩ añaretã personal ryepy pypukúpe, ajuhuhápe ko escritura. Oimeraẽ oñeñandúvape ko ára che añeñandu haguéicha upérõ—nde ha’eha oñemosẽva, eñapymíva y pypukúpe, yrupe ojeréva ne akã rehe ha yguasu yvytyguasu ojokaha nde jerére—che jerure’asy, oñeinspiráva Jonás rupi, ha’e: aníke nde resarái nde poriahuverekógui. Reguereko jehupytykuaa ko’ag̃aite ñeipytyvõ ha ñemonguera divino-pe jepe nde yvypóra jejavykuéra. Ko poriahuvereko oporojurujáiva ou Jesucristo-pe ha rupive. Ha’e ndeikuaa ha nderayhu porãmbágui, Ha’e oikuave’ẽ ndéve upéva ”nemba’évaicha”, he’iséva ojejapoha ndéve g̃uarãite, ojejapóvo ombohasy’ỹve hag̃ua nde jehasa’asy personal ha omonguera hag̃ua nde mba’e’asykuéra particular. Upéicharõ, nde ha yvága ñeimeporãrãre, ani ehejarei upéva. Emboaje upéva. Eñepyrũ embotovévo umi ”vyrorei japu” oúva pe oñemoĩvagui ñehendu, nera’ãtava reimo’ã hag̃ua ñemonguera ojejuhuha reñemomombyrývo nde responsabilidad espiritual-kuéragui. Upéva rangue, ejapo pe Jonás oñarrepentíva ojapo haguéicha. Ejerure’asy Tupãme. Ejere templo gotyo. Ejejapyhy nde konveniokuérare. Eservi Ñandejára, Itupao, ha ambuekuérape ñeikuave’ẽ ha aguyjeme’ẽ rehe.

Rejapóvo ko’ã mba’e ogueru peteĩ Tupã konvénio rupive mborayhu ndéve g̃uarã jehecha—pe Biblia Hebrea ohenóivape hesed. Rehecháta ha reñandúta Tupã jeroviareko, ikane’õ’ỹva, opa’ỹva ha ”ikyrỹiva poriahuvereko” pu’aka ikatúva ojapo ndehegui “ipu’akáva … oñemosãso hag̃ua …” opaichagua angaipa térã osẽvaívagui. Jehasa’asy voi ha ipu’akáva ikatu omoypytũ pe jehecha. Ha katu reho meme ramo ”ehepyme’ẽvo upe [nde] reñe’ẽme’ẽva’ekue”, upe jehecha ohesape mimbi mimbivéta ne ángape. Ha pe jehecha reheve ndaha’éi rejuhútava ta’arõmby ha ñemonguera añónte, ha katu, jurujairã, rejuhúta vy’apavẽ, jehasa’asy mbytépe jepe. Presidente Russell M. Nelson ombo’e porãva’ekue ñandéve: “Ñande rekove enfóke oĩramo Tupã plan de salvación-pe … ha Jesucristo ha Iñevanhéliore, ikatu ñañandu vy’apavẽ taha’e opa mba’e oikórõ—térã oiko’ỹramo—ñande rekovépe. Vy’a ou Chugui ha Hese rupive”.

Taha’e ñambohovake hína peteĩ jehasa vai ipypukúva, Jonás-peguáicha, térã ñeha’ã ára ha aragua ñande yvóra noĩporãmbáiva rehegua, pe ñekombida peteĩchante: Aníke nde resarái nde poriahuverekógui. Ema’ẽ pe Jonás jehechauka gotyo, pe Cristo oikovéva, Ha’e opu’ãva’ekue Iñeñotỹ rendágui mbohapy ára rire ipu’akávo opa mba’ére—nde rupi. Tapeho Hendápe. Peguerovia Chupe. Peservi Chupe. Pepukavy. Ha’e, ha Ha’e añómente, ojejuhúgui ñemonguera porãmba ha vy’a pe Je’águi, ñemonguera opavave ñaikotevẽva pya’e ha mirĩme jahekáva. Atestifika kóva añeteguaha. Jesucristo réra marangatúpe, Amén.