Ñepyrũmby

Che hermano ha hermana-kuéra ahayhuetéva, ñañembyaty jaguerombyasy hag̃ua ñande Presidente jahayhuetéva Russell M. Nelson ñemano. Añe’ẽ peẽme umi Doce Apóstoles Kórum Presidente ramo, posición añesostenemahague opaite ñande barrio, estaca ha conferencia general-hápe umi siete áño y medio paha ohasávape.

Jaha tenonde gotyo ko conferencia general semestral reheve, jahávo hese oñeplaneáma haguéicha ha umi orador ha purahéi oñeasignava’ekue rehe Presidente Nelson rupive heta mese ñembosako’i rire. Umi oñemoĩvéva ha’e ko’ãva añoite, che ñemyesakã ñepyrũmby ha pe discurso ame’ẽtava Presidente Nelson rendaguépe pe sesiõ paha Domingo ka’aruguápe.

Kóva ha’e peteĩha jave 75 ary ypýrupi peteĩ Tupao Presidente omanoha ára mbovymi peteĩ conferencia general mboyve. Ko’ãva orejopýkuri roplanea hag̃ua mba’éichapa ikatu rojapo umi reunión liderazgo-pe g̃uarã hekotevẽpýva ojoajúva pe conferencia general rehe ha avei umi conferencia sesiõ general, ha upe javete avei roprograma i-funeral pya’e ikatumiháicha. Presidente Nelson oikũmbyva’ekue pe conferencia general ovaléva ome’ẽ hag̃uáicha ñeisãmbyhy Santo-kuérape umi mes oúvape. Ñamomba’eguasu chupe jasegívo pe conferencia calendario oñeplanifikapyre ha’e omoneiva’ekue.

Ko ára ñañembyasývape, rojapómakuri peteĩ ñembyaty rome’ẽ hag̃ua homenaje Presidente Russell M. Nelson-pe ore conferencia general ñembyaty mboyve ha upéi roprograma i-funeral pya’e ikatumiháicha conferencia opa rire. Opa ko’ã mba’e ojejapo Presidente Nelson familia ha Doce Apóstoles Kórum ñemonei reheve.

Opavave ore roñeasignamava’ekue roñe’ẽ hag̃ua conferencia general-hápe rohekome’ẽsétagui ore tiempo asignado rome’ẽ hag̃ua peteĩ homenaje personal Presidente Nelson-pe, rojerure upévare opa ore conferencia-pegua orador-pe oimeháichagua homenaje apopyre tomomichĩ, ohejávo umi homenaje apopyre pe funeral-pe g̃uarã, upe roñepyrũmava roplanea.

Che homenaje tee mbykymi—oĩporãva ko conferencia-pe g̃uarã ha umi homenaje ñame’ẽmava—ha’e kóva: che ahayhu Russell M. Nelson-pe ha aikuaave pe evanhélio ha pe evanhélio liderazgo-gui che angirũreko ha joaju pukuete rupi hendive oimeraẽ ambue líder chete voi aikuaávagui. Ha’e ñane modelo Ñandejára Jesucristo rembiguái ha segihára ramo. Ko’ã mba’égui atestifika, Jesucristo rérape. Amén.