Ko e kākā nai ʻa e hiki tatau mei he ʻinitanetí pe tokoni fakakomipiutá ki he ngāue fakaakó?

Ko e tali nounoú ko e ʻio.

ʻOku ʻoatu moʻoni ʻe he tekinolosiá ʻa e fakamatalá kiate koe tonu. Ko ha meʻangāue lelei ia ki he fakatotoló mo e akó. Ka ko e fehuʻi ko ia ʻo e hiki tatau mei he ʻinitanetí pe tokoni fakakomipiutá ki he ngāue fakaakó, ʻoku siʻi pē ʻene fekauʻaki mo e meʻa ʻoku fakafiemālié. ʻOku fekauʻaki lahi ange ia mo e taumuʻa moʻoni ʻo hoʻo akó.

“ʻOku finangalo e Tamai Hēvaní ke ako maʻu pē Hono ngaahi ʻofefiné mo Hono ngaahi fohá. … [Ko e] akó … ko ha konga ia hoʻo taumuʻa taʻengatá ke hoko ʻo hangē ange ko e Tamai Hēvaní” (Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí [2022], 31). Ko e faʻahinga ako ko ʻení ʻoku fekauʻaki ia mo hono fakatupulaki ho ʻatamaí mo hoʻo ʻiló. ʻOku ʻikai fekauʻaki ia mo hoʻo fakaʻehiʻehi mei hono fai ʻo e ngāué, kae koloa pē ke fakakakato e meʻa siʻisiʻi taha ʻoku fiemaʻú.

Pea ʻi he fehuʻi ki he kākaá: Kapau ʻoku talaatu ʻe hoʻo ʻapiakó pe faiakó ke ʻoua te ke hiki tatau mei he ʻinitanetí pe tokoni fakakomipiutá, pea ʻoua te ke fai ia. Kapau ʻe vahe atu koe ʻe hoʻo faiakó ke ke tohi ha meʻa, tohi leva ʻe koe ia. Kapau ʻoku ʻikai ke ke fakapapauʻi e meʻa ʻoku ngofua ʻi ha ngāue ʻoku vahe atu, ʻeke ki hoʻo faiakó.

“ʻOku ʻuhinga ʻa e moʻui angatonú ke ke ʻofa ʻi he moʻoní ʻaki ho lotó kotoa—ʻo lahi ange ia ʻi hoʻo ʻofa ʻi he … faingamālié” (Ki Hono Fakamālohia ʻo e Toʻu Tupú: Ko ha Fakahinohino ki Hono Fakahoko ha Ngaahi Filí, 31).