ʻOua ʻe Tālaʻa

Taimi ʻe niʻihi ʻoku ʻikai tui ʻa e kakaí ki he tuí;

ʻOku ʻikai ha ʻuhinga ʻo e moʻuí; ko e maté ʻa e ngataʻangá.

Ka te ke fakamatalaʻi fēfē kotoa e ngaahi ongo

Kuó ke maʻú

Pea toutou fai ia?

ʻOku mou ʻilo ʻoku ʻi ai ha meʻa ʻoku mahulu hake ʻiate kitautolu kotoa—

Naʻa mo e taimi ʻokú ke fifili aí, ʻoua naʻá ke foʻi.

ʻOua ʻe tālaʻa.

Piki maʻu ki hoʻo tuí,

Pea faimālohi

Ki ha ʻaho ʻe taha.

ʻOua te ke manavahē, ka ke tui pē,

Pea te ke mamata ki he ngaahi mana ʻokú ke fiemaʻú.

ʻOkú ke ʻi he feituʻu ʻoku totonu ke ke ʻi aí.

ʻOua ʻe tālaʻa.

ʻOku tau saiʻia he taimi ʻe niʻihi ke ʻilo e tali kotoa pē

Ki he fehuʻi kotoa pē, ke mahino,

Ka ʻoku tau ʻi hení ke tau lava ʻo ako e founga ke falala ai kiate Iá,

Māmālie.

Tui ki Heʻene palaní.

ʻOku mou ʻilo ʻoku ʻi ai ha meʻa ʻoku mahulu hake ʻiate kitautolu kotoa—

Naʻa mo e taimi ʻokú ke fifili aí, ʻoua naʻá ke foʻi.

ʻOua ʻe tālaʻa.

Piki maʻu ki hoʻo tuí,

Pea faimālohi

Ki ha ʻaho ʻe taha.

ʻOua te ke manavahē, ka ke tui pē,

Pea te ke mamata ki he ngaahi mana ʻokú ke fiemaʻú.

ʻOkú ke ʻi he feituʻu ʻoku totonu ke ke ʻi aí.

ʻOua ʻe tālaʻa.

Te ke ʻiloʻi ʻi ha ʻaho ʻa e meʻa kotoa pē ʻokú Ne ʻafioʻí

Pea ʻikai fiemaʻu ke toe ʻeke.

Kae ʻoua kuo aʻu ki ai,

ʻOua ʻe tālaʻa.

Piki maʻu ki hoʻo tuí,

Pea faimālohi

Ki ha ʻaho ʻe taha.

ʻOua te ke manavahē, ka ke tui pē,

Pea te ke mamata ki he ngaahi mana ʻokú ke fiemaʻú.

ʻOkú ke ʻi he feituʻu ʻoku totonu ke ke ʻi aí.

ʻOkú ke ʻi he feituʻu ʻoku totonu ke ke ʻi aí.

ʻOua ʻe tālaʻa.