Ko ha Mahino Kānokato Ange

Kuó ke fakahoko nai e vaʻinga ko e hā e ʻuhingá? ʻOku meimei peheni ia:

Ko e hā e ʻuhinga ʻoku totonu ai ke u ʻalu ki he akó? Ke ke lava ʻo maʻu ha ngāue lelei. Ko e hā e ʻuhinga ʻoku totonu ai ke u maʻu ha ngāue leleí? Ke u lava ʻo mali mo maʻu ha fānau. Ko e hā e ʻuhinga ʻoku totonu ai ke u fai iá? Ke lava hoʻo fānaú ʻo ʻalu ki he akó.

Pea toe kamata foʻou e vaʻingá. ʻOku ngali taʻe ʻuhinga ia ʻi he ʻikai ha mahino kānokato ki aí. Ka ʻoku tau monūʻia ʻi hono maʻu iá. ʻOku ui ia ko e palani ʻo e fiefiá, pea ʻokú ne ʻomi kiate kitautolu ha taumuʻa mo ha ʻuhinga. ʻOkú ne ʻomi e ngaahi tali ʻoku mahuʻinga ʻi heni pea taʻengatá. Ko e taumuʻa kotoa ia ʻo e makasini ko ʻeni ʻo e Ki Hono Fakamālohia ʻo e Toʻu Tupú.

ʻI loto ʻi he puipuituʻa ʻo e palani ʻa e Tamai Hēvaní—pea mo Sīsū Kalaisi mo ʻEne Fakaleleí ʻi hono ʻelitó—te ke maʻu ai ʻa e holi mo e mālohi ke teuteu ki he kahaʻú. ʻE lava ke hoko hoʻo akó, ngāue maʻuʻanga moʻuí, fāmilí, mo e ngāue ʻi he Siasí ko ha meʻa maʻongoʻonga ke tulifua ki ai kae ʻikai ko ha kavenga mafasia.

Te ke lavaʻi ia he ʻoku poupouʻi hake koe ʻe Sīsū Kalaisi!