Ko e Ngāue Fakaetauhí maʻá e Kakai Kotoa Pē

Faitaaʻi ʻe Joshua Dennis

Naʻá ku pehē ko e ngāue fakaetauhí ko hono tokoniʻi pē ia ʻo e kakai naʻe ʻikai ke nau kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Ka ʻi ha ʻaho ʻe taha naʻe kole mai ai ʻe ha taha ʻo e ongo tokoni ʻi he kau pīsopelikí pe te u lava ʻo ʻalu mo ia ke ʻaʻahi mo ngāue fakaetauhi ki ha mēmipa ʻi homau uōtí.

ʻI he momeniti ko iá, naʻe liliu ʻeku fakakaukau ki he ngāue fakaetauhí. ʻOku ʻikai maʻá e kakai pē ʻoku ʻikai kau ki he Siasí. Te tau lava ʻo ngāue fakaetauhi ki he tokotaha kotoa pē, ʻo tatau ai pē pe ko ha mēmipa kinautolu ʻo e Siasí pe ʻikai. Ko e taha ia ʻo e ngaahi aʻusia lelei taha kuó u maʻu. ʻI he taimi naʻá ku ʻalu ai ke ngāue fakaetauhí, naʻá ku lava ʻo ongoʻi ʻa e melinó ʻaki ʻeku lava ʻo tokoni mo ngāue ʻo hangē ko ia naʻe mei fai ʻe Sīsū Kalaisí.