Naʻe Hoko ʻa e Pekia ʻEku Kui Tangatá ke Poleʻi Ai ʻEku Tuí—mo Tokoniʻi Au Ke U Maʻu Ia

Faitā ʻa Carolina Triana

Naʻe ʻikai ke u toe ʻalu ki he lotú ʻi he taimi naʻe mālōlō ai ʻeku kui tangatá. Naʻe hoko ʻene mālōloó ko e taha ʻo e ngaahi ʻahiʻahi faingataʻa taha kuo hoko kiate aú. Lolotonga ʻa e taimi ko iá naʻá ku kiʻi veiveiua ki he ʻEikí. Naʻe ʻikai fuʻu mahino ʻa e meʻa kotoa kiate au; ko ha taimi fakamamahi ia.

Hili ha ngaahi taimi mei ai, naʻe lea mai ʻa e tokoua ʻeku faʻeé mo ʻeku faʻeé kiate au. Naʻá ku fakatokangaʻi ʻe hokosia ʻa e taimi te u lava ai ʻo toe sio ki heʻeku kui tangatá. Naʻe hoko ʻa e ʻilo ko ʻení ko ha meʻa naʻe māmālie mo faingataʻa. Naʻe hoko ʻa e pekia ʻeku kui tangatá ke poleʻi ai ʻeku tuí—mo tokoniʻi au ke u maʻu ia. Kuo fakamālohia ʻeku tui kia Sīsū Kalaisí ʻi heʻeku fakakaukau ki he ngaahi moʻoni ʻo e ongoongoleleí mo ʻeku foki ki he lotú!

ʻOku ʻomi ʻe he lotú ha fakafiemālie. Mahalo he ʻikai ke tau faʻa ʻilo ʻa e meʻa ke faí lolotonga ha taimi faingataʻa, koeʻuhí he ʻoku tau loto-foʻi. ʻI hono fakaava ko ia hotau lotó ki he ʻEikí ʻo fakafou ʻi he lotú, ʻoku fakaʻatā ai kitautolu ke tau ikunaʻi ʻetau ngaahi ongó mo maʻu ha fiemālie.