Candace J.

Faitā ʻa Christina Smith

ʻI ha taimi ʻe taha, naʻe fafanga ʻe ha fefine ha fanga kiʻi pusi ofi mai ki hoku falelotú, pea naʻá ku fakaafeʻi ia ke haʻu ki ha konifelenisi ʻa e Siasí. Naʻe ʻikai ke ne ʻalu ange, ka naʻe tokoni hono fakaafeʻi iá ke u ongoʻi e ʻofa ʻa e ʻOtuá mo Hono Laumālié.

Naʻá ku ongoʻi fiefia ʻaupito mo houngaʻia ʻi he faingamālie ke fakaafeʻi iá, pea naʻá ku ongoʻi te u lava ʻo fakaafeʻi ʻa e kakaí ke lahi ange. Tatau ai pē pe ʻe ʻikai fai ʻe he kakaí ʻa e meʻa ʻoku ou ʻamanaki ki aí, ka ʻoku ou ʻilo te u ongoʻi fiefia ʻi heʻeku feingá.

ʻOku totonu ke fakaʻaongaʻi ʻe he tokotaha kotoa pē ʻa e faingamālie ke vahevahe ʻa e ongoongoleleí mo ongoʻi ʻa e fiefia naʻá ku ongoʻi ʻi he ʻaho ko iá.