Te u Maʻu Nai ʻi Fē ʻa e ʻAmanaki Leleí ʻi he Mālōlō ha Taha ʻOku ou ʻOfa Ai?

ʻI he mālōlō ʻeku tangataʻeikí, ko e meʻa naʻe tokoni lahi taha kiate aú ko ʻeku tui kia Sīsuú. Kimuʻa pea kau hoku fāmilí ki he siasí, naʻa mau Katolika. Naʻe ʻikai ke u saiʻia he ʻalu ki he lotú, ka naʻe faivelenga ʻaupito ʻeku faʻeé. Hili e mālōlō ʻeku tangataʻeikí, ʻoku ou manatuʻi e talamai ʻe heʻeku faʻeé naʻe ʻikai ke ne toe fie tui ia ki ha meʻa.

Naʻe ʻi ai ha kaungāmeʻa ʻeku faʻeé naʻe kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea naʻá ne ʻomi ʻa e ongo faifekaú ki homau ʻapí. Naʻá ma ako fakataha e ngaahi lēsoní pea kamata ke ma ʻalu ki he lotú. Naʻe kamata ke u tui kia Sīsū mo e ʻOtuá pea kamata ke tupulaki ʻeku tuí. Neongo naʻe mālōlō ʻeku tamaí, ka naʻá ku tui te mau toe mamata kiate ia ʻi ha ʻaho. Te mau lava ʻo nofo fakataha ʻi hēvani koeʻuhí ko Sīsū Kalaisi.

ʻOku ʻi ai maʻu pē ʻa Sīsū Kalaisi ke tokoniʻi koe. ʻI he taimi ʻokú ke ongoʻi loto-mamahi pe hohaʻa aí pe ʻikai lelei ho ʻahó, te ke lava ʻo tafoki kiate Ia koeʻuhí ʻokú Ne ʻofa ʻiate koe. Te Ne ikuna maʻau.