Fakaʻilekitulōnika Pē: Fakafehokotaki
Eryn C.
15, Puenosi ʻAealesi, ʻĀsenitina
Faitā ʻa Christina Smith
Lolotonga ʻa e faʻahitaʻu momoko ʻi ʻĀsenitiná, ʻoku faʻa momoko ʻaupito ʻa e ngaahi falemahakí. Naʻá ku aʻusia ʻa e kau ki ha ʻekitivitī ngāue tokoni mo e kakai fefine mei hoku siasí. Naʻa mau ngaohi ha fanga kiʻi sipi kafu maʻá e fanga kiʻi pēpē mo e fānau ʻi he falemahakí. Naʻá ku ongoʻi fiefia ke ʻi ai!
Koeʻuhí ʻoku ou ʻiloʻi ʻa e ongo ʻoku maʻu ʻi he tokoto falemahakí, naʻá ku ongoʻi ko ha ʻekitivitī ʻeni naʻe mahuʻinga ke tokoni ai ki he fānau īkí. ʻOku ou saiʻia ke fakakaukau ʻe finangalo foki mo Sīsū Kalaisi ke Ne kau ʻi he ngaahi ʻekitivitī pehení, ʻo tokoniʻi ʻa e fānaú.
Kiate aú, ʻoku ʻuhinga ʻa e hoko ko ha ākonga ʻo Sīsū Kalaisí ke ʻofa kiate Ia. Te tau lava ʻo fakahaaʻi ʻetau ʻofa kiate Iá ʻaki ʻetau tokoni ki he niʻihi kehé, tautautefito he ʻokú Ne tokoniʻi maʻu pē ʻa e niʻihi kehé.