Ko e ʻOtuá ʻa ʻEku Faifakahinohinó

Laʻitā meia Christina Smith

Naʻá ku fakaafeʻi hoku kaungāmeʻá ki he lotú ʻi he uike kuo ʻosí. Naʻá ne fakamatala mai fekauʻaki mo e ngaahi siasi kehekehe kuó ne ʻalu ki aí pea mo ʻene feinga ke ʻilo ha siasi ke ne kau ki ai mo ako fekauʻaki mo e ʻOtuá.

Ka ne taʻeʻoua ʻa e ʻOtuá mo e ongoongoleleí, naʻá ku mei hē ʻo hangē pē ko iá, ʻo feinga ke ʻilo ha siasi pea mo feinga ke maʻu ha tali ke fakaleleiʻi ʻaki ʻeku ngaahi palopalemá, koeʻuhí he ʻikai ke u maʻu ha fakahinohino ʻi heʻeku moʻuí. Ko e meʻa pē ʻoku ou ʻiló, ka ne taʻeʻoua hoku faifakahinohinó, ka ne taʻeʻoua ʻa e ʻOtuá, naʻe ʻikai ke u mei ʻi heni ʻi he taimí ni.

Pea ko hono ʻiloʻi ko ia ʻokú te maʻu ʻa e ʻOtuá, ʻi ha feituʻu pē te te ʻalu ki aí, ko e meʻa lelei taha ia ʻe lava ke maʻu ʻe ha faʻahinga taha pē. Ko e ʻuhinga ia ʻoku ou fiefia moʻoni ai ke vahevahe ʻa e ongoongoleleí mo e tokotaha kotoa pē ʻoku mau feohí.

ʻOku ou tui moʻoni ko hono fakaafeʻi pē ha niʻihi ki he lotú ko ha meʻa mahuʻinga ʻaupito ia. Mahalo te ke fakakaukau he ʻikai ke nau tali ia, ka ʻoku ʻi ai ʻa e taimi ʻe niʻihi ʻe lava ke liliu ʻa e ngaahi meʻá. ʻE lava ke iku ia ʻo lelei ange ʻi he meʻa naʻá ke fakakaukau ki aí.