Falavia C.

Faitā ʻa Christina Smith

Ne toki motu kimuí ni hoku vaʻé ʻi ha fakatuʻutāmaki he lēlué.

Naʻá ku tangutu ʻi he lēlué mo ʻeku ongoʻi ʻoku toʻo e telefoní mei hoku nimá—naʻe kaihaʻa ha taha meiate au. Naʻá ku tuʻu taʻe-fakakaukau pē ʻo tuli mui ʻi he tangatá ʻi ha loto lēlue naʻe ʻikai hano matapā. ʻOku ʻikai ke u fakapapauʻi pe ko e hā e meʻa naʻe hokó, ka naʻe fakafokifā pē kuó u ʻi lalo ʻi he lēlué, ʻo kaikaila ki ha tokoni.

Naʻá ku ake hake ʻi falemahaki hili ha ngaahi ʻaho siʻi mei ai. Naʻá ku ʻilo ai ne motu hoku vaʻe toʻomataʻú. Lolotonga ʻeku nofo falemahakí, naʻe tuʻo lahi ʻeku tangí. Ka naʻe ʻi ai maʻu pē hoku fāmilí, ngaahi kaungāmeʻá, mo e fāmili ʻi he Siasí ke tokoniʻi au.

ʻOku ou ʻilo naʻe tokoniʻi foki au ʻe he Tamai Hēvaní mo Sīsū Kalaisi. Kimuʻa ʻi he tafa takitaha, naʻá ku lotu fakafoʻituitui maʻu pē ʻe lelei e meʻa kotoa pea ke ʻoua te u ilifia. Ko e taimi kotoa pē naʻá ku ongoʻi ai kuo siva ʻeku ʻamanakí, naʻe ʻi ai e ʻEikí.

ʻOku fakaʻau pē ke u sai pea ʻoku ou fāifeinga ke laka ki muʻa ʻi he tokoni ʻa e Fakamoʻuí.