Fale Nofoʻanga Siʻisiʻi, Palani Lalahi

Tā fakatātā ʻa Katelyn Budge

Naʻe nofo hoku fāmilí ʻi ha fuʻu fale lahi, ka naʻe liliu e meʻa kotoa ʻi heʻemau hiki ki Hanoí. Naʻa mau nofo ʻi ha kiʻi fale nofoʻanga siʻisiʻi, ʻoku sikuea mita nai ʻe 30. Naʻe faingataʻa e nofo ʻi ha feituʻu siʻisiʻi mo ha toko tolu kehe ʻi hoku fāmilí.

Ka ʻoku ou houngaʻia ʻi he lava ʻa e ʻOtuá ʻo tokoni ke ʻomi ha ngaahi lelei mei ha faʻahinga tūkunga pē. Lolotonga e taimi ko iá, naʻá ku lava ʻo hoko ko ha tokotaha fakatonulea ʻi he lotú pea ki heʻeku ongomātuʻá. Naʻá ku lava ʻo lotu ʻi he ʻaho kotoa pē, tufa e sākalamēnití, pea talitali lelei e kakai ne fie fanongo ki he ongoongoleleí. ʻOku ou ʻiloʻi kuo tāpuekina mo tataki au ʻe he ʻOtuá ke u fai e ngaahi meʻa ko iá.

ʻI he ngaahi faingataʻa kotoa he taimi ko iá, naʻe fakaʻau ke mālohi ange ʻeku tuí ʻi he ʻaho takitaha. ʻOku tokolahi ha kakai ʻoku ʻikai ke nau ʻilo ki he ongoongoleleí ʻi hoku fonuá, ko ia ko ha paionia kei talavou au. ʻOku ou maʻu ha holi ke vahevahe e ongoongolelei ʻo Sīsū Kalaisí mo e kakaí ke tokoni ke nau maʻu ha moʻui fiefia ʻo taʻengata fakataha mo Sīsū Kalaisi mo e Tamai Hēvaní.