Fakaʻilekitulōnika Pē: Fakafehokotaki
Melina J.
17, Puenosi ʻAealesi, ʻĀsenitina
Faitā ʻa Christina Smith
Naʻe fokoutua hoku kaungāmeʻá ʻi he loto-taʻotaʻomiá mo e loto-tailiilí pea naʻá ne fuʻu ongoʻi loto-mamahi ʻaupito. Naʻá ne faʻa fakamakehekehe mei hoku ngaahi kaungāmeʻá peá ne tangutu toko taha pē. Naʻe ʻikai ke u ʻilo pe te u fai ʻa e meʻa tatau naʻe fai ʻe hoku ngaahi kaungāmeʻá pe te u feohi nai mo e kaungāmeʻa ko ʻeni naʻe ʻikai ke ongoʻi fiemālié pea naʻá ne tangutu toko taha peé.
Ko e taimi ia naʻá ku fakakaukau ai ke u tangutu fakataha mo iá. Naʻe fakafōtunga ngali kehe mai hoku ngaahi kaungāmeʻa kehé kiate au koeʻuhí he naʻa nau ʻita kiate ia, ka naʻá ku ʻalu ʻo tangutu fakataha mo ia, pea naʻá ma tangi fakataha ʻi heʻene fakamatala mai ʻene ngaahi palopalemá. Hili iá, naʻe kamata ke ne ongoʻi fiemālie, pea naʻe lava ke u fakahaaʻi ʻa e ʻofa naʻá ku maʻu kiate iá pea mo e ʻofa ʻoku maʻu ʻe he ʻOtuá kiate iá.
Ko e hoko ko ia ko ha ākonga ʻo Sīsū Kalaisí ʻoku fekauʻaki ia mo hono vahevahe ʻa e ʻofa ʻokú Ne maʻu kiate kitautolu mo e niʻihi kehé. ʻOku fekauʻaki ia mo e ʻofá, ngāue tokoní, mo hono fakatupulaki ʻa e ngaahi ʻulungaanga tatau naʻá Ne maʻu ʻi he taimi naʻá Ne ʻi he māmaní aí. ʻI he ʻaho ko iá, ʻi heʻeku ongoʻi manavaʻofa ki hoku kaungā-akó, naʻá ku ongoʻi hangē ha ākonga moʻoni ʻo Sīsū Kalaisí.