E Rineaki Wheelwright Bwa te Beretitenti ae Boou ibukin BYU–Hawaii

E katanoata Beretitenti Gordon B. Hinckley rineakin Steven C. Wheelwright, te kabanea n rietaata n nakoa irouia tia reirei ao te tia tararua n te Harvard Business School ae karineaki, bwa te beretitenti n te Brigham Young University–Hawaii n Tuun 5, 2007.

“I ataia bwa Beretitenti Wheelwright e na bon uotarake BYU–Hawaii nakon te tokanikai ae korakora,” e taekinna Bereitenti Hinckley man te Tienta ni Maungatabu i Salt Lake City, Utah. ”Rinanon rabakauna ao ana reitaki aika mwaiti ao I nanomatoa ni kaotia ba e na bon karababa kanoan ana waaki BYU—Hawaii ao ni kakabwaiai maiuia ni kabane ake a roko nakon te reirei ae rangi ni kinaaki aei.“

N rimwiin te katanoata, e kamauriia ataein te reirei Beretitenti Wheelwrigth n te BYU–Hawaii ake a ira te waaki man te tiataraite ma te “Aloha” ae kakukurei ma n taku bwa bon te tibwanga ae kakannato karekean te nakoa ae korakora aei.

“I kakoaua BYU–Hawaii ma ana mition ibukina bwa e ikoti reirei iaon bwain te aonaba ma te maiu n tamnei ao e kaatuua iangoan te karikirakean anuaia ao aaia atatai aomata aika kairake aika a tamaroa aikai,” e taku Beretitenti Wheelwright.

E taekinna Beretitenti Hinckley bwa ngke moan kaukaki BYU–Hawaii bwa te kuura n reirei n 1955, e a bon riki naba bwa te reirei ae rietata n te aba ae rangi ni kakaokoro aekan katei iai, ma mwaitiia ataein te reirei iai ae 2,400 man aba aika 70.

E a tia ni karekea ana atatai ae korakora Beretitenti Wheelwright man mwakurina ma ataei man katei aika kakaokoro, ni ikotaki ma aonon Asia. Ngkai te tia tararua ngkoa n ana buroukuraem te Reirei ibukin Butineti i Harvard ibukin te Mwatita iaon Tararuan Butineti, e mwakuri ma ataei aika roko man te aonaaba ni kabuta ao ni buoki aika bati ni karekei nakoaia n taian bitineti. E taekinna Unimwaane Henry B. Eyring man aia Kooram n Abotoro ake Tengaun ma Uoman bwa te waaki aei e na karekea te kabwaia nakoia ataein BYU–Hawaii ngkana a okiri oin abaia imwiin reken aia beeba.

Imwiin karekean ana beeba man te reirei ae rietata i Stanford ma te Mwatita iaon Tararuaan Bitineti ao te kabanea n rietata n tikuri (degree), e kabanea teuana te ririki Beretitenti Wheelwright ni mwaangan te INSEAD, reirein te aonaaba ibukin bitineti i Fontainebleau, France, ao imwiina e kabanea nikiran ana mwakuri ibukin te reirei i Harvard ao Stanford.

Bon iaon Harvard tao 30 te ririki n nako are e bon kaitibo iai, ma te tia tararua ae mwaatai ngkoa n te Reirei ibukin Bitineti i Harvard ao te beretitenti ngkai n te BYU–Idaho, ae Kim Clark. E taekinna Beretitenti Clark bwa iai te tamnei ae tamaroa iroun Beretitenti Wheelwright ao bon te mwaane ae tangira ana Uea ao e teimatoa ao n aki mwaingiing n ana anganano nakon te Uea.

“E ata karawa ao e na karekea te onimakinaki ae korakora ibukin te onimaki,” e taku Beretitenti Clark.

Imwaain riki ana motirawa Beretitenti Wheelwright mai Harvard ni banen 2006, bon te Tia Reirei ae Rabakau ae aranaki bwa te Edsel Bryant Ford ibukin Karineana ni Mwanena Nakoana ibukin Tararuan Bitineti, te tia reirei ae rabakau n te Baker Foundation, tia ibuobuoki n tararua ae maan ana tai, ao te tarekita ni Waaki n Reirei n te Harvard Business School Publication. Bon te Tia Reirei ae Rabakau n aobitin te Tararua ibukin te Kleiner, Perkins, Caufield ao Byers n te Stanford University Graduate School of Business.

Ngke te mwaane ae kairake, e mwakuri ibukin te Ekaretia Beretitenti Wheelwright bwa te mitinare i Scotland. E mwakuri naba bwa te beretitenti n te England London Mition man 2000 nakon 2003. E a tia naba ni mwakuri bwa te kauntira n te titeiki beretitentii, te kauntira ae rietata, ao te bitiobi. Ngke e kitana Harvard, ngaia ma buuna a tia n riki bwa taan tia ibuobuoki ni mitinare i BYU–Idaho.

E ikawairake Beretitenti Wheelwright i Salt Lake City ao iai ana o ni kao i Star Valley, Wyoming. Ngaia ma buuna bon kaaro irouia 5 natiia ao iai tibuia aika 15.

Beretitenti Wheelwright e onea mwiina Eric B. Shumway, ae e a motirawa ngkai man te mwakuri i BYU–Hawaii imwiin ana ibuobuoki n aanga aika bati man 1966 ao te beretitenti man 1994.