E Katanoataaki te Tembora ibukin Manaus, Brazil
Te Moan Beretitentii e katanoatai babaire ibukin katean te tembora i Manaus, Brazil, n te reta nakoia mataniwiin te nakoanibonga i Brazil ni Meei 23, 2007.
“Ti kamoamoaia Aika Itiaki ibukin nanoia ae korakora ao aia kakaonimaki, ao ti karabwarabwa ibukin kakabwaia ake a na reke nakoia rinanon kateakin te tembora ae boou aei,” e taku te Moan Beretitentii inanon te reta.
Ngkana e tia, ao e na bon riki te Manaus Brazil Tembora bwa te kaonoua n tembora i Brazil. Taian Titeiki ake a na kaairaki n te mwakoro ibukin tembora a na bon katanoataaki ni bong aika imwaaira.
Ma taian tembora ake a kateaki ni kaan ma mataniwin te aba i maiaki ao mainiku i Brazil, ao tabeman kaain te Ekaretia ake a maeka n aono ake i nuuka ao meang i Brazil a na mwananga n te raroa ae teuana tengaa te maire (1600 km) ibukin kawaran te tembora are te kabanea ni kaan.
“Ti aki nanokokoraki bwa e na bon riki bwa te kakabwaia nakoia mwaitiia Aika Itiaki ake a kakaonimaki n te tabo aei ao n aono ake a katotobibia ake a tia ni mwamwananga ni kawai aika raroa ni kukurei ni karekei kakabwaia n te tembora,” e taekinna te Moan Beretitentii.
Iai ngkai n te tai aei 124 tembora aika a kabonganaki n te aonaaba, ma 6 aika a tabe ni kateaki ao 6 aika a katanoataki, ni ikotaki ma te Manaus tembora.
Te moan Latin American tembora e kateaki i São Paulo, Brazil, n 1978, ngke ikotakin kaain te Ekaretia tii 54,000. E tararua te bukamaru ibukin atibun te manininganiga Beretitenti Spencer W. Kimball (1895–1985). E manga katabua te São Paulo tembora Beretitenti Gordon B. Hinckley ni 2004 imwiin te mwakuri n onobwai ni katamaroa.
N tokin 2005 e a roko n te mwaiti ae 928,926 kaain te Ekaretia i Brazil, are ai bon te mweenga nakon teniua riki tembora ni kaawa aika Recife, Porto Alegre, ao Campinas. Te Curitiba Brazil Tembora, are e moanaki kateana n 2005, e katautauaki bwa e na tia n te ririki ae na roko.
Ni kawaran Curitiba n te tai ae aki maan n nako, e berita nakoia kaain te Ekaretia Unimwaane Russell M. Nelson man aia Kooram Abotoro ake Tengaun ma Uoman, “Ngkana ko katauraoi n nako nakon te tembora ao ni karaoi otenanti ibukim ao am bakatibu, ko na katea te koaua iaon te mwakuri aio, are ko na bon aki kona ni karekea ngkana ko aki karaoia.” E taku naba, “Tao e bon beebete riki katean te tembora nakon ae a na katauraoaki aomata ibukin te tembora.”