Te Ibonga n Ana Aro Japan E Kamaura Unimwaane Eyring n te Tabo n Taraomauri ae Kakannato ae Meiji i Japan

Katsushi Toyama, te mataniwi ni ibonga n te Tabo n Taromauri ae kakannato ae Meiji i Tokyo, e kaitibo ma Unimwaane Henry B. Eyring man te Kooram n Abotoro ake Tengaun ma Uoman n tain ana neweaba Unimwaane Eyring nakon ana aono nako te Ekaretia i Asia ao aban Te Betebeke.

Unimwaane Eyring, ngaia ma Unimwaane D. Todd Christofferson man te Beretitentii n te Itingaun ao Unimwaane David F. Evans, te Beretitenti n Aonon Asia Meang, e kaoaki bwa e na kaitibo ma Mr. Toyama bwa a na karikirakea te atatai ao te nano ni iraorao.

E tuangiia iruwaa Mr. Toyama bwa akea te boki ae koreaki iaon ana reirei Shinto ae ti tebo ma te Baibara ao koroboki aika tabu riki tabeua, ma taan iriria a kaoti aia itomaan nakon te Atua man aia keiaki mwaaka ibukin te itiaki ao te raoiroi inanon maiuia.

E taku Unimwaane Eyring bwa kaain ana Ekaretia Iesu Kristo Ibukiia Aika Itiaki Ni Boong Aika Kaitira a keiaki mwaaka naba ibukin te itiaki ao te raoiroi irouia n tatabemaniia inanon maiuia. E taku, “Ara burabeti, Gordon B. Hinckley, e aki toki ni kauringiia kaain ara Ekaretia bwa a na karaoi aia koaua bwa boton kanoan maiuiia ni katoa bong”.

E moan reke ataakin te Ekaretia iroun Mr. Toyama ngke e kairuaeaki n te Salt Lake City n te ririki 1970. N te tai ae aki maan n nako, ao te reitaki aei e a tia ni karikirakeaki ngkai ibonga ake tabeman man te tabo n taromauri a tia ni kawara te Salt Lake City ao te Brigham Young University i Provo, Utah. N te ririki 2005, te botaki ni Kaotioti ao ni Kuaea mai BYU—Hawaii a riki bwa te moan kurubu ni Kiritian ae a kamataku n te Tabo n Taromauri ae Meiji.

E karaoaki te kaitibo ma Mr. Toyama n te ruu ae uarereke n te tabo n taromauri are e katauraoaki ibukin marooro ma kautuun tautaeka ao aia taan tei.

Embera Meiji, are ngaia ae e ingoanaki iai te tabo n taromauri, e tautaekana Japan man 1867 nakon 1912. E kabaeranta te nano ni kan kawaakina okoron katein Japan ma te kaumaki ae korakora ni karokoa abana n te bootaki ni karikirake n te aonaaba.

E karaoaki te moan bwabetito n te 1920. E a raka iaon 120,000 kaain te Ekaretia ni boong aikai i Japan. Iai ana tembora aika uoua te Ekaretia ikekei, teuana i Tokyo ao teuana i Fukuoka.