Reitan Iango ibukin Tibwauan te Tai, Okitobwa 2007

Ae inano bon reitan iango ake a kona ni kabonganai taan kairiri n te Moanrinan ma Tibwauan te Tai are e otinako n Okitobwa 2007 Riaona. Ibukin te reirei, taian kaetieti, ao waaki n reirei ake a irekereke ma iango aikai, tara “How Great Shall Be Your Joy” iaon iteraniba R4 ao R5 n aia mwakoro ataei n te boki aei.

1. Imwaain te Moanrinan, karaoi tamnein taian tiibu (ibukin te banna, tara te boki n reirei are Primary 2, reirei 23, ke Primary 1 tamnei 1-8). Karaoi uoman tiibu ibukiia ataei n tatabemaniia, teuana ae akea arana ao teuana ae iai aran te ataei ni mwakoro iaona. Kanim taian tiibu nakon te o n ruun te Moanrinan.

   Wareka Ioane 10:14. Buokiia ataei bwa a na ota n ana kabotau Iesu are e karaoia. Tuangiia ae ataei n tatabemaniia bon ai aron te tiibu ao Iesu bon te Tia Kawan Tiibu ke te tia kairiiri (tara “Comparisons,” Teaching, No Greater Call [1999], 163–64). Cheryl Lant, te beretitenti ni kabuta n te Moanrinan, e a tia n taku: “E ataia ataei n tatabemaniia Iesu are E kakabwaiaia n rongorongon te Nu Tetemanti. E ataiia ni kabane natiia tenaan Nibwaite, ao E ataiia ataei ni kabane ni boong aikai. E rangi n tangiriia n tatabemaniia bwa a na namakina Ana tangira. E rangi n tangiriia n tatabemaniia bwa a na reiakina Ana taeka ao ni karekea te koaua. E rangi n tangiriia n tatabemaniia bwa a na karekei kakabwaia mai karawa are e roko rinanon maiuakinan te raoiroi” (“Feed My Lambs,” Primary open house address, Sept. 2006).

   Kanimwa Ana Kete n Tamnei te Ekaretia nambwa 240 (Iesu te Kristo) i moan n te ruu. Kaoiia ataei bwa ana kakaea oin aia tiibu ao ni uotiia nakon te Tia Kawakin Tiibu ae Raoiroi. Butiia te tia katanga te aokan bwa e na katangitang n ae maaraara inanon aia tai ataei, ni kateirain, ni kakaea oin aia tiibu ao ni uotiia nako moa. Ngakana a bane ataei n tia ni karekei aia tiibu, kauringiia ae a rangi ni mwaiti naba tiibu ake a tuai n roko inanon te nanai man kaean te Moanrinan. Wareka Ruka 15:4. Manga tuanga te tia katanga te aokan bwa e na katangitang riki, ao kaoiia ataei bwa a na rinea temanna mai buakoia tiibu are akea te ara iaoia. Tuangiia bwa a na iangoa temanna are a kona ni kaoa bwa e na roko nakon te nanai. Tuangiia bwa a na korea aran te aomata temanna iaon te tiibu ao ni uotia nakon mweengaia bwa e na kauringiia bwa a na kaoa te “tiibu” aei bwa e na iriira te Tia Kawakin Tiibu ae Raoiroi.

   Kakoaua ae Iesu bon te Tia Kawakin Tiibu ae Raoiroi ao bwa E anga Maiuna ibukira, Ana Tiibu.

2. Kaoa temanna kaain te Ekaretia ae kakaonimaki bwa e na roko n te Moanrinan a e na baka n riki bwa te tia ukoukora te euangkerio—temanna ae a reireinna mitinare. Tuanga te iruwaa ba e na korea kanikinaean te titiraki ae bubura iaon te mwakoro ni beeba ao e na kanimwa nakon ana kabarakai. Tuanga te iruwa bwa e na anai kanikinaean te titiraki aika bati ni kaotinakoi mai nanon te buua ke te baeki. Kabwarabwara bwa te aomata aei e onrake n taian titiraki. Tuangiia ataei ngkana a taku bwa a ata kanoan te euangkerio bwa a na kaeka ana titiraki te tia ukoukora te euangkerio. Kabwarabwara ae ko nang karaoa te takakaro ae te titiraki ma kaekana. Te mwakoro ae kangaanga bon are a na riai ataei n anenei aia kaeka.

   Tuanga te iruwa bwa e na moanna man titirakinaia ataei, “Antai ngkoe?” Tuanga te tia katanga te aokan bwa e na karaurau ni katanga moan notin “Ngai Natin Te Atua” (Children’s Songbook, 2–3), ao imwiina tuangiia ataei bwa a na kaeka te titiraki man anenean te anene. Manga kaokia ma reitan taian titiraki ao anene. Imwiin te anene teuana, tuanga te iruwa bwa e na manga kaoka te titiraki ao te kaeka. Te katooto, “O, I ataia. Ngaira ni kabane bon natin te Atua ao I a tia ni kanakomaiakaki ibukin bwa E tangiriira.” Titiraki ake tabeua ma kaekaia aika katangitang a na bae ni karina: “I Mena Ia Imwaain Ae I Bungiaki?” “Tera te Onimaki?” “E Karekea Ana Boki Moomon Maia Iotebwa Timiti?” Kamenaia ataei bwa a na iangoia bwa tera taian anenen ake a na aneneaki ni kaekaan te titiraki n tatabeua nako, ao anga te iango tii ngkana a kainnanoia ataei.

   Buokiia ataei bwa a na ataia bwa a reiakina te euangkerio rinanon anenen te Moanrinan. Kaota am koaua iaon te euangkerio ao tamaroan te katangitang n reiakinan ao te angareirei n te euangkerio.