Ana Ururing Tarin Tamau ae Gilberto

Ngke I a moana reiakinan mwakurian te otenanti ibukiia maate, I bon kairaki n ana tangira buu te mwaane nakon tibuna te aine ni karaoan raoi taian otenanti n te tembora ibukina. Te waaki aei e a kaungaai bwa N na reiakina riki taekaia au bakatibu. Inanon ririki ake imwina, a mwaiti tariu ao mwaaneu, n reitaki ma naake a mena n te tienta n rongorongoia ngkoa utu ni kaan ma mweengau i Guadalajara, Mexico, a tia ni buokai n reiakina karaoan te mwakuri ibukiia au bakatibu.

Inanon 1991 I karekea au kakabwaia n tamanuea ao I tuangaki bwa I riai n tabeakinia au koraki ake a tia ni mate ao ni mwakuri mwaaka ibukiia. I katea au kouru ni karaoan aei, are e a karika te marooro ni katoa bong ma au karo, ake a tuai ni kaaina te Ekaretia. I aki toki n tabeki titiraki ibukiia au utu, ma tinau e kona n ti taekini taekaia tibu.

Te bong teuana e tuangai tinau bwa ai Tamau Gilberto, tarin tamau, e a tia ni korakai n aorakin buroona. “I ataia bwa e na tangiria n taetae ma ngkoe,” e taku tinau. “E rangi n tamaroa ana ururing, ao e na kona n anganiko te rongorongo ae rawata ibukin te utu.”

Ngke I tarebonia n te tienta n tararua are e tararuaki man tiku iai, e kaekai buna te aine ao n tuangai bwa ai tamau e bon rangi ni mamaara ao n aki kona n taetae. I anganna au katekeraoi ao I tuangnga ae N na tataro ibukiia ao aia utu.

Te bong are imwina ao I manga tarebonia te tienta n tararua. I a kubanako, ai tamau e a kaeka te tareboon.

“Ai Tamau Gilberto!” I taku. “I tareboniko bwa N na tuangko bwa I a tia n tataro mwaaka ibukin marurungim ao bwa I tangiriko.”

“Ko bati n rabwa, Bibi,” e kaekaai. “I uti n te ingabong aei n namakina te marurung riki. Tuangai bwa tera ae ko karaoia.”

I tuangnga ingaingan nanou ni kan atai araia kaain te utu ake a roko mai Arabia ao Lebanon. E bon koaua ana taeka tinau ibukin ana ururing ai tamau. E atai taian ara, bongin namwakaina, ao taabo ibukin aua te roro man ana utu tamau.

Ngke I katuka te tareboon, I namakinna bwa ara reitaki n taetae bon te kabanea ae ti kona n tibwauaia n te maiu aei. I bon eti. Ma te Uea e a tia ni kakabwaiaira ni kauoman bwa I aonga ni kona ni karekei rongorongo ake I kainnanoi ibukin ara utu—ni kauatabo n ae ngkai ao n te maiu ae akea tokina.