Rikirake inanon te Onimaki—Yondonjamts mai Ulaanbaatar, Mongolia

Imwain ae bwabetitoaki ao ni kamatoaki Yondonjamts, e tataro n taainako bwa tamana e na kona ni kaaina naba te Ekaretia. E bon rangi ni kakaitau ngke a baireia tamana bwa e na bwabetitoaki. Imwin bwabetitoakina ao kamatoakina, e ataia Yondonjamts bwa e rangi ni kakaawaki nakoina bwa e na katauraoia n riki bwa te riikan inanon te Nakoanibonga ae te Aaron. E bon kakaawaki naba nakon tamana bwa e na karekea te nakoanibonga. E bon aki toki n tataro te ataeinimwaane bwa tamana e na karekea te nakoanibonga, ao e bon karekea teuaei. A bane ni kakoaua kaain te utu bwa Yondonjamts bon te ataeinimwaane ae kakaonimaki ae ataa kakaawakin te tataro.

Ngke e a tibwa raka nakon teuana te ririki imwin bwabetitoakin ao kamatoan tamana, ao e a mwananga te utu nakon te Hong Kong China Tembora. E bon kukurei Yondonjamts ngkai ana utu a kabaeaki inanon te tembora bwa a kona n riki ngkai bwa te utu n aki toki. Ngke a mena n te tembora, e bubuti bwa e na karinaki aran te aine iaon te beebwa n ara bwa aonga aomata ake n te tembora n tataro ibukin neiei. E tabeaianga ibukin rangan neiei are e ikoaki, ao e bon kakaitau ngke e a marurung ma iai.

1. Takakaro n te batiketibooro.

2. Korotamnei.

3. Karaoan taore n te tabonibai.

4. Nakon te taromauri.

5. Kakana te tuubu n raiti ao kureebe.

6. Roroko n iteran te kaawa are i mainiku.

E koraki-aua, Yondonjamts e bon tatangira te numera ao karaoan banna man te beebwa. E kamatebwaia te Ingiriti ao taetaen Mongolia n te reirei. Ana boki ae mamate nanona iai bon te The Happy Prince iroun Oscar Wilde. E taku tinana bwa bon ataein te reirei ae tamaroa ao n ongotaeka. E ririanna te reirei n te maan ae ti nimaua te miniti man mweengana.

N tain bootakin te utu n te tairiki, a wareki koroboki aika tabu te utu, karaoi katean kain taian kaotioti, anenei kuuna, karaoi kamwaninga n rongorongon ngkoa te Ekaretia, ao ni kang amwarake aika kangkang. Yondonjamts e tatangira warekan taekan Aramwa man Ana Boki Moomon ngke e tataro ibukin natina te mwaane bwa e na reiakina te koaua ao te rairannano. Yondonjamts e tatangira te bwai are e riki bwa Aramwa Tetei e rairannano ao e bita maiuna (tara Motiaea 27:8–31).

E tangiria Yondonjamts bwa e na mwakuri ni mitinare n te bong teuana. E bon katauraoi nakon te mitinare n te tataro, warekan koroboki aika tabu, iriran bootaki n te Ekaretia, ao ni kataia ni kakaonimaki ao ni kororaoi. E bon iri naba reirei iaon te biano. Ibukin kanoan te bong i Mongolia e rangi ni mwaitoro n te winta, e katikaki nanona n te mwakuri ni mitinare i Hawaii.

Mongolia bon te aba ae maungaunga ao e mena imarenan China ao Russia. Ulaanbaatar bon atuun kaawana.

E nakon tao 20 te miniti iroun te utu bwa e na mwananga n te bwati ni kaea te Bayanzurkh Mwaanga. N te Moanrinan, e tatangira te anene Yondonjamts ao te ongora nakon katangitang. E kukurein ni karaoan tibwauan te tai naba.