ʻIkai Teitei Tuenoa, Koeʻuhí ko Ia

Tā fakatātā ʻa Katelyn Budge

ʻOku ʻi ai mo ha toʻu tupu kehe ʻi hoku uōtí, ka ʻoku ʻikai ke ʻi ai ha taha ʻo kinautolu ʻi he ʻapiako ʻoku ou ʻi aí. Koeʻuhí ko e meʻa ko iá, naʻá ku taʻelata ʻaupito ʻi he kalasi fitú. Naʻe hangē ʻoku ou vā mamaʻo mo hoku ngaahi kaungāmeʻa lolotongá pea ʻikai ke fuʻu tokolahi hoku ngaahi kaungāmeʻa foʻoú. Ko ia naʻá ku lotu lahi peá u ako ʻeku folofolá.

Naʻá ku maʻu ha talanoa ʻa ia naʻe taukaeʻi mo tuli ai ki tuʻa ʻa Sīsū Kalaisi (vakai, Luke 4:16–30). Naʻe akoʻi au ʻe he ngaahi talanoa peheé kuó Ne ʻosi aʻusia ʻa e meʻa ne u fouá, pea naʻe tokoni lahi ia kiate au. Koeʻuhí ko Ia, ʻoku ʻikai ke u tuenoa.

Ko Sīsū Kalaisi ʻa hoku Fakamoʻuí. Ko Ia ʻa hoku falalaʻangá. Te u lava ʻo kole tokoni maʻu pē kiate Ia mo e Tamai Hēvaní. Pea ʻoku ou ʻiloʻi ʻokú Na ʻi ai ʻo tatau ai pē pe ko e hā hono lahi ʻeku ongoʻi vā mamaʻo mei he tokotaha kotoa pē.