Ngaahi Talanoa mei he Fuakava Motuʻá
Ko e Lōmakí: Noa
Ngaahi tā fakatātā ʻa Katy Dockrill
Ko Hono Talanoá
Ko e Fakatokangá
Naʻe moʻui ʻa Noa ʻi ha taimi ʻo e faiangahala lahi. Na‘e folofola ʻa e ‘Eikí kia Noa ‘e kāpui ʻe ha lōmaki ‘a e māmaní kapau he ‘ikai fakatomala ʻa e kakaí. Naʻá Ne fekauʻi ʻa Noa ke ne malanga ʻaki ʻa e ongoongolelei ʻo Sīsū Kalaisí, ka naʻe ʻikai fakatomala ʻa e kakaí.
Ko e ʻAʻaké
Naʻe folofola ʻa e ʻOtuá kia Noa ke ne foʻu ha ʻaʻake (ko ha fuʻu vaka lahi). Naʻe fai ʻe Noa ha ngaahi fuakava mo e ʻOtuá peá ne fai e meʻa naʻá Ne fekauʻi kiate iá. Naʻá ne hū ki loto ʻi he ʻaʻaké mo hono fāmilí pea mo ha fanga monumanu ʻi he faʻahinga kotoa pē.
Ko e ʻUhá
Naʻe ʻuha ʻi ha ʻaho ʻe 40 mo e pō ʻe 40, pea naʻe ʻufiʻufi kotoa ʻa e māmaní ʻe he vaí. Naʻe faifai pea tuku atu ʻe Noa ha lupe mei he ʻaʻaké ke ne fekumi ki ha kelekele mōmoa. Naʻe foki mai ʻa e lupé mo ha lou ʻōlive.
Ko e Foakí
Hili e mavahe ʻa Noa mo hono fāmilí mei he ʻaʻaké, naʻe langa ʻe Noa ha ʻesi feilaulau ki he ʻEikí pea fai ai ha ngaahi feilaulau kiate Ia. Naʻe talangofua mo houngaʻia ʻa Noa. Naʻe fokotuʻu ʻe he ʻEikí ha ʻumata ʻi he ʻaó ko ha fakaʻilonga ʻo ʻEne fuakava he ʻikai ke Ne toe fakaʻauha ʻaki e māmaní e lōmakí.
Ko Hoʻo Talanoá
Hangē ko Noá, mahalo ʻe ʻi ai ha ngaahi taimi ʻi hoʻo moʻuí te ke ongoʻi ai ʻoku ʻākilotoa koe ʻe he “ngaahi peaú” (ngaahi tūkunga faingataʻa pe fakailifia). Ka te ke lava ʻo falala ʻe tokoniʻi koe ʻe he Tamai Hēvaní mo Sīsū Kalaisi ke ke maʻu ha ʻamanaki lelei mo ha nonga ʻi hoʻo feinga ke tauhi hoʻo ngaahi fuakavá.