Ngaahi Meʻa ʻOku ʻIkai Teitei Liliú

Ko e taimi ʻe niʻihi ʻoku hangē ʻa e moʻuí ko ha ʻōseni fakapoʻulí, pea fepaleaki koe ʻe he ngaahi kau peaú, ʻo iku lelei pe kovi ange. ʻI he taimi ʻoku fetongi ai e ngaahi kaungāmeʻá, ʻapiakó, pe fāmilí pea kamata foʻoú, ʻe lava pē ke fakafiefia—pe fakatupu lōmekina. Mahalo ʻokú ke hohaʻa he ʻoku ʻikai ke ke ʻiloʻi pe ʻoku ʻave koe ki fē ʻe he ngaahi kau peau ko iá, kae hangē ko e kaivai ʻokú ne vakai ki he ngaahi fetuʻú ke folau ʻi he malu ki ʻapí, te ke lava foki mo koe ʻo faifolau ʻi he ngaahi feliliuaki ʻo e moʻuí ʻi hoʻo vakai ki he ʻOtuá mo tokanga taha ki he ngaahi meʻa he ʻikai teitei liliú.

ʻOku ʻikai teitei liliu ʻa e ʻOtuá. “ʻOkú ne taʻe-faʻa-liliu ia mei he taʻengatá ki he taʻengatá kotoa pē” (Molonai 8:18).

ʻOku ʻikai teitei liliu ho mahuʻingá. “Manatu, ʻoku mahuʻinga lahi ʻa e ngaahi laumālié ʻi he ʻao ʻo e ʻOtuá” (Tokāteline mo e Ngaahi Fuakava 18:10).

ʻOku ʻikai teitei liliu ʻa e ʻofa ʻa Kalaisí mo e mālohi ʻo ʻEne Fakaleleí. “Ko Sīsū Kalaisi ʻoku tatau ʻi he ʻaneafí, mo e ʻahó ni, pea taʻengata” (Hepelū 13:8).

ʻI he taimi ʻokú ke ongoʻi mole ai ʻi he tahi ʻo e moʻuí, ʻoku ou fakaʻamu te ke manatuʻi ʻoku feliliuaki e moʻuí, ka ʻoku ʻikai pehē ʻa e ʻOtuá. ʻOku ʻikai pehē ho mahuʻingá. ʻOku ʻikai pehē ʻa Kalaisi.

Tuku ke hoko ʻa e ngaahi moʻoni taʻengata ko ʻení ko ho ngaahi fetuʻu ʻoku tuʻu maʻu ʻi ʻolunga ʻi he ngaahi kau peaú!