Pilikihami G. L.

Faitaaʻi ʻe Miguel Pachas

Naʻá ku vaʻinga ko ha leʻo kolo ʻi ha feʻauhi soka. Naʻe faʻa angakovi ʻi he taimi ʻe niʻihi hoku ngaahi kaungāmeʻa ʻi he timí. Naʻe lava ke nau ʻulungaanga kovi mo ʻiteʻita.

ʻI ha ʻaho ʻe taha, kimuʻa pea kamata ʻemau vaʻingá, naʻá ku kiʻi manavasiʻi. Kimuʻa pea mau vaʻingá, naʻá ku fakakaukau ke u mavahe mei hoku ngaahi kaungāmeʻá ʻo fai ha lotu. Naʻá ku lotu neongo ʻeku ʻiloʻi ʻe kataʻi au ʻe hoku ngaahi kaungāmeʻá kapau te nau fanongo mai kiate au. Naʻe ʻikai fuoloa kuó u fanongo ki ha toko ua ʻokú na laulau mo talanoa ʻo kau kiate au. Ka naʻá ku fanongo ki ha taha naʻe pehē, “Ko Pilikihamí ko ha tokotaha lotu. Tau tukunoaʻi pē ia.”

ʻI heʻeku fanongo ki aí, naʻá ku fuʻu fiefia ʻaupito. ʻI he ʻosi ʻeku lotú, naʻá ku pehē ange, “Kuó u mateuteu au.” Naʻe tāpuakiʻi au ʻe he ʻEikí ʻi he ʻaho ko iá, pea lelei ʻemau vaʻingá ʻo mau ikuna. Naʻá ku fiefia ʻi he talamonū mai hoku ngaahi kaungāmeʻá kiate aú. ʻI heʻeku aʻu ki ʻapí, naʻá ku fai ha lotu ʻo fakamālō ki he ʻEikí.