Hōsē Q.

Faitaaʻi ʻe Miguel Pachas

ʻI hoku taʻu 10 nai, naʻe lahi haʻaku ngaahi fehuʻi ʻo kau ki he ongoongoleleí. Naʻe talamai leva ʻe heʻeku faʻētangatá ʻoku ʻikai totonu ke u nofotaha pē ʻi heʻeku ngaahi fehuʻí kae hokohoko atu pē ʻeku moʻuí ʻi he tui, pea te u ongoʻi pē ʻiate au ʻa e folofola mai ʻa e ʻOtuá kiate aú.

Naʻe ʻikai fuoloa mei ai mo hono kole mai ke u vahevahe e lea ʻo e himi “ʻOku Ou Tui kia Kalaisí” ʻi he konifelenisi fakasiteikí. ʻI heʻeku fai iá, naʻe fasi hoku leʻó peá u ongoʻi e lea mai ʻa e Laumālié ʻo fakafou ʻiate aú. Hili e konifelenisí, naʻá ku lele ʻo fāʻofua ki hoku taʻoketé. Naʻe kamata ke u tangi ʻi heʻene pehē mai, “ʻOkú ke sio ki he meʻa ʻoku hokó? ʻIo, ʻokú ke tui ki he ʻOtuá.” Naʻe maʻu ʻeku talí mei he himi ko iá. Naʻá ku ongoʻi ʻoku moʻui e ʻOtuá mo Sīsū Kalaisi. Naʻe fiemaʻu pē ke u fakamanatuʻi ia kiate au.

ʻOua naʻa tuku hoʻo ʻalu ki he lotú, tatau ai pē pe ko e hā hono faingataʻá. Feinga ke ofi ki he Tamai Hēvaní mo Sīsū Kalaisi ʻo fakafou ʻi he lotú mo e ako folofolá. Pikitai maʻu pē ki he ongoongoleleí pea ʻoua naʻa teitei ngalo ʻa e feituʻu naʻá ke haʻu mei aí.