Andrea T. T.

Faitaaʻi ʻe Miguel Pachas

Naʻá ku loto ke u ʻiloʻi pe ʻoku totonu ke u ngāue fakafaifekau. Hili ʻeku lotu ʻi he KFT, naʻe lava ke u maʻu ha tali. ʻOku ou ongoʻi ʻoku tuʻo lahi ʻa e folofola mai ʻa e ʻEikí kiate kitautolu ʻo fakafou mai ʻi he kakai ʻoku tau feohí. ʻOkú Ne tali mai ʻo fakatatau ki he meʻa ʻoku tau fiemaʻú pea faʻa tuku mai ia ʻi he taimi ʻoku tau fiemaʻu ai iá.

ʻOku mahuʻinga ʻaupito ke fakafanongo ki heʻetau ngaahi ongó mo e ngaahi ueʻí. ʻOku ou feinga ke tokanga lahi ange ki he leʻo ʻo e ʻEikí ʻaki ʻeku faʻa lotu koeʻuhí ke u lava ʻo fanongo kiate Ia mo ʻilo lahi ange kiate Ia. Te tau lava ʻo ongoʻi ofi ange kiate Ia ʻaki hono fai ʻa e ngaahi meʻa ʻoku totonú, tauhi ʻEne ngaahi fekaú, lotú, mo e lau folofolá.

ʻOku mātuʻaki mahuʻinga ke fakafanongo kia Sīsū Kalaisi koeʻuhí he te tau lava ʻo maʻu ha fakafiemālie mo ha tali ki he ngaahi faingataʻa ʻoku tau aʻusia ʻi heʻetau moʻui fakaʻahó. ʻOkú Ne maʻu ha ngaahi meʻa fakaʻofoʻofa lahi kuo maau maʻatautolu takitaha, pea te tau lava ʻo maʻu ha mālohi mei Heʻene folofolá.