’Ua ’īriti te ’ūputa nō te tupura’a o te ’Ēkālesia i te mau motu Solomona nā roto i te fa’aro’o i te mau melo ’e te mau misiōnare

I te 3 nō Novema 2024, ’ua ha’amanahia te ha’amaura’a o te ’āma’a nō Ulawa a Te ’Ēkālesia a Iesu Mesia i te Feiā Mo’a i te mau Mahana Hope’a nei, e tāpa’o rahi ïa nō te tupura’a o te ’Ēkālesia i te mau motu Solomona.

Nā te ti’a fa’atere o te ’Ēkālesia, ’o Corey Lindley, i peresideni i te rurura’a tei ha’amau i teie ’āma’a ’āpī i roto i te mata’eina’a nō Honiara Solomon Islands.

I te taera’a mai te feiā fa’atere o te ’Ēkālesia, ’ua fa’ari’i-poupou-hia rātou e te feiā ’āpī i reira, ma te ’ahuhia mai te fa’ehau, ’e mai te hō’ē ’ōro’a ra ’ua uiui i te tumu nō tō rātou tere.

Nā Peter Awao, te hō’ē melo nō te ’Ēkālesia tei bāpetizohia i Honiara ’e tei fa’anu’u i Ulawa i te matahiti 2022 ra, i paraparau nō te pupu nā roto i te reo tumu : « Mifala no come here to fait, but we only bring the good words to Ulawa Island. Mifala no come waitem any mata knife, axe or alawolo to fait weitem you fala but come and ask compassion. Mifala just came here to witness Jesus Christ is the Saviour for the world today. So please open the way for us to come in. Poro Kana Ute. »

’E i te fa’ari’ira’ahia rātou, ’ua ’āmui atu te feiā fa’atere o te ’Ēkālesia i te hō’ē putuputura’a i te fare fārereira’a, i reira te mau melo i te putuputura’a. ’Ua fa’atere te peresideni Kwanafia, e ti’a mana nō te rave i te mau fa’aipoipora’a, e ono fa’aipoipora’a, ’ei ha’apāpūra’a ē, ’ua ha’amanahia i mua i te ture tō rātou fa’aipoipora’a nā roto i te peu tumu, ’ia au i te ture a te mau motu Solomona.

I muri iho, e rave rahi o te pupu tei tere ati e 10 km i te pae hiti’a o te rā o te motu, i te ’oire iti nō Aroaha, i reira te bāpetizora’ahia e iva ta’ata, i roto i te tairoto nehenehe nō te Moana Pātifita.

I te po’ipo’i sābati, e 81 melo tei putuputu i te po’ipo’i nō te pāturura’a mana o te ’āma’a ’āpī ’e te pi’ira’a o te peresidenira’a ’āma’a mātāmua. ’Ahuru minuti nā mua a’e i te hora te purera’a ’ōro’a i te ha’amatara’a nō te tīa’i-maoro-ra’a te mau melo i te hīmenera’a i te mau hīmene ’e te fa’aineinera’a i te pae vārua ’ia ha’amata. ’Ua pāturu-hope-hia te ha’amaura’a o te ’āma’a nō Ulawa.

I roto i te rurura’a, ’ua pāturuhia te mau melo tei bāpetizo-’āpī-hia, ’e ’ua fa’aterehia te ’ōro’a e nā misiōnare rave tāmau e maha o te ’āma’a.

I te mau ’āva’e i muri nei, e oti te patura’a o te fare purera’a ’āpī nō te ’āma’a nō Ulawa, ’e e 100 melo i roto. Tē mana’ohia ra e oti te fare purera’a, tei patuhia i te mau mātēria ’e te rave ’ohipa i reira iho, i te hope’a matahiti nō 2024. ’A tupu noa ai te ’Ēkālesia i te motu nō Ulawa, e faufa’a pāpū te fa’aro’o ’e te tapitapi ’ore o te mau melo nō te ’ohipa a te fatu i teie pae nō Pātifita.

’Ua hau i te 6 000 ta’ata e ora ra i te motu nō Ulawa, e tuha’a nō te mata’eina’a nō Makira i te mau motu Solomona. ’Aore re’a fare to’a i reira ’e te uira, e mea tāhō’ē rā te huira’atira i reira, ’e e mea aupuru i te ’utuāfare. E faufa’a te fa’aro’o o te mau melo ’e o te mau misiōnare o te motu nō te ha’amaura’a i te hō’ē ’āmuira’a, i mua i te ta’ata ’e te huira’atira, ’e e fa’a’itera’a nō te parau mau o te ’evanelia a te Fa’aora.