Rēpupirita manahune nō Tōneto

’Ua bāpetizohia te mau ta’ata fa’afāriu mātāmua nō te Rēpupirita manahune nō Tōneto i rāpae’au i te fenua, hou ’a ho’i fa’ahou mai ai i tō rātou fenua ’āi’a ’e ’a fa’a’ite ai i tō rātou fa’aro’o ia vetahi ’ē. I te taera’a mai te mau misiōnare i RMT i te matahiti 1986, tē vai a’ena ra te mau pupu feiā fa’afāriu ’o tē putuputu i te hepetoma tāta’itahi. ’Ua ha’amauhia te titi mātāmua i te matahiti 1996, ’e ’ua ha’amo’ahia te hiero mātāmua o te fenua i te matahiti 2019. I teie mahana, Te ’Ēkālesia a Iesu Mesia i te Feiā Mo’a i te mau Mahana Hopea nei i Rēpupirita manahune nō Tōneto, e :

• 115 00 melo (fātata)

• 27 titi, 289 pāroita ’e ’āma’a, 5 misiōni

• 1 hiero (i Kinshasa) ’e 3 tei fa’aarahia (i Lubumbashi, Kananga ’e Mbuji-Mayi)

Māuruuru rahi nō te fa’anahora’a nō te fa’aorara’a

I te taime ’a tāvini ai John Lwamba, nō Lubumbashi, i te hō’ē misiōni, ’ua fa’aru’e mai tōna tua’ana. Tē nā ’ō ra ’oia : « E mea fifi ri’i nō’u ’ia fa’ari’i i te reira nō te mea ’o ’oia te ta’ata mātāmua tei fa’aru’e mai i roto i tō’u ’utuāfare. Ma te tauturu a tō’u peresideni misiōni ’e te mau pāpa’ira’a mo’a, ’ua nehenehe iā’u e fa’ari’i i te reira ’e mai te reira mahana, ’ua ha’afātata atu teie ’ohipa iā’u i te Fa’aora. ’Ua ’ite au ē mai tāna i ti’a fa’ahou mai, e ti’a fa’ahou mai te mau melo ato’a o tō’u ’utuāfare tei pohe. »