« Te fa’aho’i-fa’ahou-ra’a-hia mai te ’ōro’a mo’a », Liahona, Māti 2025.
Mai, pe’e mai
Te Ha’api’ira’a Tumu ’e te mau Fafaura’a 20 ; 27
Te fa’aho’i-fa’ahou-ra’a-hia mai te ’ōro’a mo’a
I te taime ’a fa’ati’ahia ai Te ’Ēkālesia a Iesu Mesia i te Feiā Mo’a i te mau Mahana Hope’a nei i te matahiti 1830, ’ua fa’aho’i mai te Fatu i te ’ōro’a nō te ’ōro’a mo’a. ’Ua fa’aue ’oia i tōna mau ta’ata « ’ia ta’iruru pinepine mai nō te rave i te pāne ’e te uaina ’ei ha’amana’ora’a i te Fatu ra ia Iesu » (Te Ha’api’ira’a Tumu ’e te mau Fafaura’a 20:75).
Tē fa’a’ite nei teie pāpa’ara’a parau mea nāhea te ’ōro’a mo’a i te ha’amaura’ahia i te mau tau ta’a ’ē. Noa atu ’ua taui te mau ta’ata ’e te mau vāhi, i te tau tāta’itahi, ’ua tauturu te ’ōro’a mo’a i te mau pipi a Iesu Mesia ’ia ha’amana’o noa iāna ’e ’ia vai noa tōna Vārua ia rātou ra.
|
Faufa’a ’Āpī |
Buka a Moromona |
Te Ha’api’ira’a Tumu ’e te mau Fafaura’a |
Tō tātou ’anotau |
’Ia ho’i fa’ahou mai Iesu Mesia | |
|
’O vai |
Iesu Mesia ’e te ’āti Nephi |
Iosepha Semita ’e te mau melo mātāmua o te ’Ēkālesia a Iesu Mesia tei fa’aho’i-fa’ahou-hia mai |
Te feia mo’a i te mau mahana hopea ’ati a’e te ao nei |
Iesu Mesia ’e « rātou pā’āto’a tā [tōna] Metua i hōro’a mai [iāna] nō roto mai i te ao nei » (Te Ha’api’ira’a Tumu ’e te mau Fafaura’a 27:14) | |
|
E aha |
Te faraoa ’e te uaina ’ei ha’amana’ora’a i te tino ’e te toto o Iesu (hi’o Mataio 26:26–28 ; Mareko 14:22–24 ; Luka 22:17–20) |
Te faraoa ’e te uaina ’ei ha’amana’ora’a i te tino ’e te toto o Iesu (hi’o 3 Nephi 18) |
Te faraoa ’e te uaina, ha’amaita’ihia maoti te mau pure ta’a ’ē e ’itehia mai i roto i Te Ha’api’ira’a Tumu ’e te mau Fafaura’a 20:77, 79 |
Tei mātauhia e faraoa ’e te pape, ha’amaita’ihia maoti te mau pure ta’a ’ē e ’itehia i roto i Te Ha’api’ira’a Tumu ’e te mau Fafaura’a 20:77, 79 |
E ha’aputuputura’a tei arata’ihia e Iesu Mesia, i reira ’oia « e inu ai i tō te mā’a hotu o te vine i pīha’i iho ia [tātou] i ni’a i te ao nei » (Te Ha’api’ira’a Tumu ’e te mau Fafaura’a 27:5) |
|
Ahea |
’Ua ha’amata fātata 33 MM, i te pō hou te fa’asātaurora’ahia Iesu Mesia |
’Ua ha’amata fātata 33 MM, i muri a’e i te ti’afa’ahoura’a o Iesu Mesia |
’Ua ha’amata i te taime ’a fa’ati’ahia ai te ’Ēkālesia i te 6 nō ’Ēperēra 1830 |
I te mau hepetoma ato’a i roto i te mau purera’a ’ōro’a |
’Ia ho’i fa’ahou ana’e mai Iesu Mesia i te fenua nei |
|
I hea |
I roto « i te hō’ē piha rahi » o te hō’ē fare i Ierusalema (Mareko 14:15) |
I « te fenua ra nō ’Auhune » (3 Nephi 11:1) |
I te fare o Whitmer mā i Fayette, i New York, i Marite |
I roto i te mau fare purera’a ’ati a’e te ao nei |
« I ni’a i te fenua nei » (Te Ha’api’ira’a Tumu ’e te mau Fafaura’a 27:5) |
|
Nō te aha |
Nō te hōro’a i te ta’ata i te rāve’a ’ia ha’amana’o ia Iesu Mesia ’e nō te « fa’a’āpī i tā rātou fafaura’a ’ia rave i ni’a iho ia rātou iho i te i’oa o te Fa’aora, ’ia ha’amana’o noa iāna ’e ’ia ha’apa’o i tāna mau fa’auera’a ». | ||||
Feruri
Nāhea te ’itera’a i te fā o te ’ōro’a mo’a i te ha’apūai i tō ’outou tā’amura’a ’e ’o Iesu Mesia ?