Māti 2025

Te mau mea i roto
Te mau parau ve’a ta’a ’ē
Te reo o te feiā mo’a i te mau mahana hope’a nei
Mai, pe’e mai
- Te fa’aho’i-fa’ahou-ra’a-hia mai te ’ōro’a mo’a
- 7 rāve’a nō te ’oa’oa i te pehe fa’auru mau
Feiā ʼāpī paʼari
- ’Ua paraparau te Atua i te feiā mo’a mātāmua—E paraparau ānei ’oia iā’u ?
  Savannah Lunt
- E nehenehe mau ānei tā’u e ti’aturi i te arata’ira’a a te peropheta ?
  Savanna Cummings
Mau pāpa’a tāmau noa
Mau ’api nō Pātifita

Tāpo’i nō muri, ’o roto

Māti 2025

Ano’ihi nō te ’ā’amu o te ’Ēkālesia

Fare nene’ira’a a E. B. Grandin

Fare nene’ira’a a E. B. Grandin — Fa’a’ite’itera’a ano’ihi nō te fare nene’ira’a a E. B. Grandin i Palmyra, New York, Marite.

I muri a’e i te ’īritira’a i te Buka a Moromona, ’ua rave Iosepha Semita i te fa’anahora’a ’ia nehenehe i te ta’ata fa’anene’i buka nō Palmyra ’o Egbert B. Grandin e nene’i e 5 000 buka. ’Ua nene’ihia te mau buka mātāmua i te matahiti 1830 ’e ’ua ’ōperehia e te mau misiōnare, nā te reira i arata’i mai e rave rahi ’ia ’āmui mai i roto i te ’Ēkālesia a Iesu Mesia tei fa’aho’i-fa’ahou-hia mai.

’Ua tu’u piri hīpotate Martin Harris, te hō’ē o nā ’ite to’otoru o te Buka a Moromona, i tāna fare fa’a’apu ’utuāfare nō te aufau i te nene’ira’ano te aufau. I te taera’a mai te mau fifi i te pae faufa’a, ’ua ani ’oia i te arata’ira’a a te Fatu.

« Tē fa’aue atu nei au ia ’oe ē ’eiaha ’oe e nounou i tā ’oe iho faufa’a, ’a hōro’a fa’arahi atu ho’i i te reira nō te nene’ira’a i te Buka a Moromona, tei roto ho’i i te reira te parau mau ’e te parau ho’i a te Atua […]

« ’E e fa’a’ite haere ’oe i te mau parau ’āpī ’oa’oa, ’oia ïa, e ha’aparare ’oe i te reira i ni’a i te mau mou’a, ’e i ni’a i te mau vāhi teitei ato’a, ’e i rotopū i te mau nūna’a ta’ata ato’a ’o tā ’oe e fa’ati’ahia ’ia haere » (Te Ha’api’ira’a Tumu ’e te mau Fafaura’a 19:26, 29).