Poerani S.

Faitā ʻa Stephane Sayeb

Ko e tokolahi taha ʻo e kakaí, ʻi he taimi ʻoku nau kamata ai ʻi he ako māʻolungá, ʻoku nau fiefia koeʻuhí ʻoku ʻuhinga ia ʻoku nau tupu ʻo lahi ange. Ka kiate aú, naʻe ʻikai ko e meʻa ia naʻe hokó. Naʻe faingataʻa ʻaupito kiate au ʻa hoku ʻuluaki taʻu ʻi he ako māʻolungá koeʻuhí he naʻe ʻikai ke u maheni mo ha taha ʻi heʻeku kalasí pea naʻá ku faʻa tuenoa. Ko ia ai naʻe hoko ia ko e taha ʻo e ngaahi taimi faingataʻa taha ʻo ʻeku moʻuí.

Naʻá ku tafoki ki he ʻEikí ʻo lotu ʻi he pō kotoa pē. Pea ʻi he akó, ʻi he taimi naʻe ʻikai ke u ongoʻi fiefia ai koeʻuhí ko ʻeku tuenoá, naʻá ku tangutu ʻi ha sea ʻo lotu ʻi hoku lotó ke tokoniʻi au ʻe he Tamai Hēvaní ke u ongoʻi fiemālie.

ʻI he taimi kotoa pē naʻá ku lotu aí, naʻá ku ongoʻi ʻa e ʻofa ʻa e Tamaí mo Hono ʻAlo ko Sīsū Kalaisí, pea naʻe tokoni ʻaupito ia kiate au. Naʻe tali foki ʻe he Tamai Hēvaní ʻeku lotú ʻaki ʻEne tuku mai ha kakai ke mau feohi. Naʻá ku fetaulaki mo ha kaungāmeʻa naʻá ne tokoniʻi au ke u ongoʻi fiemālie, pea naʻá ku lava ʻo fakatauʻatāinaʻi au mei he mafasia naʻá ku fuesiá.

ʻOku ou ʻilo ʻoku ʻi ai mo ha kakai kehe hangē ko aú, pea ko e meʻa ʻoku ou fie lea ʻaki kiate kinautolú naʻá ku lava ʻo ikunaʻi iá. Ko e meʻa pē naʻá ne tokoniʻi aú ko ʻeku tafoki kia Sīsū Kalaisi mo e Tamai Hēvaní. ʻOku ou ʻilo kapau te nau fakahoko foki ia, te nau ongoʻi ʻa e ʻofa kotoa pē ʻoku maʻu ʻe he Tamai Hēvaní mo Hono ʻAlo ko Sīsū Kalaisí maʻanautolú.