Ko e Hingá: ʻĀtama mo ʻIvi

Naʻe nofo ʻa ʻĀtama mo ʻIvi ʻi he Ngoue ko ʻĪtení—ko ha ngoue fakaʻofoʻofa naʻe ʻikai ke na aʻusia ai ha mamahi, faingataʻa, mate, pe fiefia. Te na lava foki ʻo fiefia ʻi he ʻao ʻo e ʻOtuá.

Naʻe fekauʻi kinaua ʻe he Tamai Hēvaní ke maʻu haʻana fānau pea ʻoua naʻá na kai mei he “ʻakau ʻo e ʻilo ʻo e leleí mo e koví.” Naʻe ʻahiʻahiʻi ʻe Sētane ʻa ʻĀtama mo ʻIvi ke na kai ʻa e fuá.

Na‘e fili ʻa ‘Ivi mo ʻĀtama ke na kai ʻa e fuá. Kuo pau ke na mavahe mei he ngoué mo e ʻao ʻo e ʻOtuá, foua ʻa e faingataʻá, pea iku ʻo na mate. Ka te na toe lava foki ʻo maʻu ʻa e fiefiá, tauhi e fekau ʻa e ʻOtuá ke maʻu ha fānaú, mo fakalakalaka ki he moʻui taʻengatá.

ʻI he kamataʻangá, naʻe toitoi ʻa ʻĀtama mo ʻIvi. Ka ʻi heʻena ako ki he palani ʻa e Tamai Hēvaní, naʻá na ʻiloʻi naʻe fakaʻatā ʻe heʻena filí ke haʻu ʻa e fānau ʻa e Tamai Hēvaní ki he māmaní. Naʻá na ʻilo ʻe fekauʻi mai ʻe he Tamai Hēvaní ʻa Sīsū Kalaisi ke fakahaofi kinaua (mo kitautolu) mei heʻetau angahalá mo e maté.