Nenu ʻI He Lotu Tāpuakiʻi ʻo e Sākalamēnití

Tā fakatātā ʻa Katelyn Budge

ʻOku ʻi ai ha faingataʻa ʻi heʻeku leá ʻokú ne fakatupu haʻaku nenu ʻi ha ngaahi tūkunga kehekehe, ʻo kau ai ʻa e lolotonga hono tāpuakiʻi ʻo e sākalamēnití. ʻI he kamataʻangá, ko ha pole moʻoni ia. Naʻe aʻu pē ki haʻaku fakakaukau ke ʻoua naʻá ku toe tāpuakiʻi ʻa e sākalamēnití.

Ka naʻe kamata ke u lotu ki he Tamai Hēvaní. Naʻá ku lotu maʻu pē kiate Ia ʻo kole ʻEne tokoní. ʻOku ou fakamoʻoni ʻokú Ne fanongo mai ki heʻetau ngaahi lotú. Hili ha kiʻi taimi, naʻe kamata ke siʻisiʻi ange ʻeku nenú.

ʻOku ʻi ai pē ha taimi ʻoku ou kei nenu ai, ka kuo tokoniʻi au ʻe he Fakamoʻuí ke u ikunaʻi ʻa e pole ko ʻení. ʻOku mahino kiate Ia ʻa e meʻa ʻoku ou ongoʻi ʻi he tūkunga ko ʻení, tuʻunga ʻi Heʻene mamahi ʻi he Ngoue ko Ketisemaní.

ʻOku ou fehangahangai foki mo e pole ko ʻení ʻi he ʻapiakó. ʻI he kamataʻangá, naʻe faingataʻa he naʻe kataʻi au ʻe he kakaí. Ka naʻá ku ongoʻi e ʻofa ʻa e Fakamoʻuí ʻi heʻeku moʻuí. Naʻá Ne fakafiemālieʻi mo tokoniʻi au.