Ko Hono Fakaʻapaʻapaʻi Hoku Sinó

Tā fakatātā ʻa Katelyn Budge

ʻOku ou ʻi ha ʻapiako ʻoku faʻa fakahehema ai ha fānau fefine tokolahi ke teunga fakahāhā, inu kofi, mo fai ha ngaahi fili ʻoku ʻikai fenāpasi mo hoku ngaahi tuʻunga ʻulungāngá.

Kuo tokoniʻi au ʻe he Ki Hono Fakamālohia ʻo e Toʻu Tupú ke u tauhi totonu ki he ngaahi fekaú mo ngaahi meʻa ʻoku ou tui ki aí. Hangē ko ʻení, ʻoku ou muimui ki he Lea ʻo e Potó, ko ia ai, ʻi hono fakaafeʻi au ʻe hoku ngaahi kaungāmeʻá ke mau ō ʻo kofí, ʻoku ou ʻikai ange ʻi ha founga fakaʻapaʻapa. ʻI he taimi ʻoku nau fokotuʻu mai ai ha faʻahinga vala paú, ʻoku ou fili ʻa e vala ʻoku ou ongoʻi fiemālie mo taau aí. ʻOku ou tui ʻoku mahuʻinga ʻa e teunga tāú he ko hotau sinó ko e ngaahi temipale. ʻI he taimi ʻoku ou fili ai ke teunga tāú, ʻoku ou fakahaaʻi ʻeku fakaʻapaʻapa ki hoku sinó mo ʻeku houngaʻia ki he ʻOtuá.

ʻOku ou feinga ke fakaʻaongaʻi ʻa e ngaahi akonaki ʻo e ongoongoleleí ʻi heʻeku moʻui fakaʻahó, pea ʻi heʻeku fehangahangai mo e ngaahi polé, ʻoku ou tafoki ki he folofolá ki ha fakahinohino mo e fakahā. ʻOku ou ʻilo ʻoku ʻofa ʻa e Tamai Hēvaní mo Sīsū Kalaisi ʻiate kitautolu. ʻE tataki mo maluʻi maʻu pē kitautolu ʻe he Tamai Hēvaní ʻi heʻetau fekumi kiate Iá. Naʻa mo e fanga kiʻi founga īkí, ʻokú Ne tāpuekina kitautolu ʻi he ʻaho kotoa pē.