ʻAnavai H.

Faitā ʻa Stéphane Sayeb

Naʻe vete ʻeku ongomātuʻá, pea ko ha meʻa fakamamahi ia naʻá ne uesia hoku loto kei siʻí. Naʻe faingataʻa ʻaupito kiate au he naʻe ʻikai ke u loto ke na māvae, ka naʻá ku maʻu ʻa e fiemālie naʻá ku fiemaʻú ʻia Kalaisi. Ko ha tākiekina fakalaumālie moʻoni ia!

Lolotonga e ngaahi taimi faingataʻa ko iá, ne u maʻu ha mālohi ʻi he ngaahi folofola ʻa Kalaisí. Naʻe tokoni ʻa e ngaahi lēsoni naʻá ku maʻu mei heʻeku ongomātuʻá mo e kau takí ke u tokanga taha ki Heʻene ngaahi akonakí. Naʻe hoko ʻa e ongoongoleleí ko ha kolotau naʻe lava ke u maʻu mei ai ha mālohi—ko ha mālohi naʻá ku fiemaʻu ke u pikitai ki heʻeku tuí neongo ʻa e ngaahi matangi mālohi fakafāmilí.

ʻI he ʻaho ní, ʻoku hokohoko atu ʻeku maʻu ʻa e fiefiá ʻo fakafou ʻi he ongoongoleleí mo e ngaahi aʻusia fakatemipalé. ʻOku ou fie ako lahi ange fekauʻaki mo Kalaisi. ʻOku ou fie ʻiloʻi lelei ange Ia, pea mahuʻinga tahá, ke muimui Heʻene ngaahi sīpingá. ʻOku ʻi ai ʻeku fakamoʻoni ʻoku tataki ʻe Kalaisi hotau ngaahi halá pea te Ne tokoniʻi kitautolu ke tau nofo taha ʻiate Ia, neongo ʻa e ngaahi faingataʻá.