Ang Pagkahulog: Adan at Eva

Sina Adan at Eva ay nanirahan sa Halamanan ng Eden—isang magandang halamanan kung saan hindi sila makararanas ng sakit, hirap, kamatayan, o kagalakan. Maaari din nilang tamasahin ang presensya ng Diyos.

Iniutos sa kanila ng Ama sa Langit na magkaroon ng mga anak at huwag kumain ng bunga mula sa “punungkahoy ng pagkakilala ng mabuti at masama.” Tinukso ni Satanas sina Eva at Adan na kumain ng bunga.

Pinili nina Adan at Eva na kainin ang bunga. Kailangan nilang lisanin ang halamanan at ang presensya ng Diyos, dumanas ng paghihirap, at kalaunan ay mamatay. Ngunit maaari din silang makadama ng kagalakan, makasunod sa utos ng Diyos na magkaroon ng mga anak, at sumulong tungo sa buhay na walang hanggan.

Noong una, nagtago sina Adan at Eva. Ngunit nang malaman nila ang tungkol sa plano ng Ama sa Langit, alam nila na ang kanilang pinili ay nagtulot sa mga anak ng Ama sa Langit na pumarito sa lupa. Nalaman nila na isusugo ng Ama sa Langit si Jesucristo upang iligtas sila (at tayo) mula sa ating kasalanan at kamatayan.