Pagdiskobre alang sa Akong Kaugalingon

Bag-ohay lang nagtan-aw ko sa akong mas magulang nga mga igsoon nga mipili og managlahing mga dalan nga subayon. Ang akong igsoong lalaki nangandam sa pagserbisyo og misyon. Sa laing bahin, ang akong igsoong babaye mihunong na sa pag-apil sa mga kalihokan sa Simbahan. Ang iyang desisyon makalibog alang nako, ug sa mubong panahon, wala ko mahibalo kon unsaon sa pagproseso niini.

Akong naamgohan nga ang akong pagtuo dili usa ka butang nga akong gipili—kini usa ka butang nga akong nadak-an. Kinahanglan nakong hunahunaon og maayo kon unsa gayod ang akong gituohan alang sa akong kaugalingon. Mituo ba ko sa ebanghelyo tungod kay tinuod kini, o tungod kay mao na kini ang gitudlo ngari nako? Ug mahimo pa ba gihapon ko nga usa ka maayong miyembro sa Simbahan bisan kon ako adunay mga pangutana?

Midangop ko ngadto sa mga kasulatan uban sa bag-ong determinasyon. Misugod ko sa pagbasa uban sa mga pangutana nga anaa sa akong hunahuna, nagtinguha og mga tubag ug pagsabot Akong naamgohan nga ang pagpangutana mahitungod sa akong mga gituohan wala magpasabot nga nawad-an ko og pagtuo. Kondili, nagpasabot kini nga makaugmad ko og mas lawom, mas personal nga pundasyon.

Ang pag-ugmad sa pagpamatuod dili usa ka higayon nga panghitabo; usa kini ka tibuok kinabuhi nga proseso sa pagpangutana, pagtinguha, ug pagmatuod. Gibati nako ang Espiritu nga nagsaksi kanako nga ang ebanghelyo tinuod, apan nakasinati usab ko og mga panahon nga mibati ko nga layo sa Dios. Ang pagtuo dili ingon nga dili mausab; usa kini ka butang nga kinahanglan natong amumahan matag adlaw pinaagi sa pag-ampo, pagtuon sa kasulatan, ug pagserbisyo.

Ang pagdako diha sa Simbahan nakahatag nako og pundasyon, apan anaa ra nako ang pag-ugmad niini. Samtang magpadayon kita sa pagdangop ngadto sa Ginoo, Siya molig-on sa atong pagtuo ug motabang nato sa pagsugakod sa mga kawalay kasegurohan sa kinabuhi.