Mga Pagkanga-kanga sa Pag-ampo sa Sakramento

Paghulagway pinaagi ni Katelyn Budge

Ako adunay problema sa pagsulti nga maoy hinungdan nga magkanga-kanga ko sa lainlaing mga sitwasyon, lakip na samtang mopanalangin sa sakramento. Sa sinugdanan, naglisod gyod ko. Gani naghunahuna ko nga dili na mopanalangin sa sakramento.

Apan misugod ko sa pag-ampo ngadto sa Langitnong Amahan. Nag-ampo ko ngadto Kaniya kanunay, nangayo sa Iyang tabang. Ako mopamatuod nga Siya maminaw sa atong mga pag-ampo. Paglabay sa panahon, dili na kaayo ko magkanga-kanga.

Panagsa magkanga-kanga gihapon ko, apan gitabangan ko sa Manluluwas nga mabuntog kini nga hagit. Pinaagi sa Iyang pag-antos didto sa Tanaman sa Getsemani, Siya nakasabot sa akong gibati niini nga sitwasyon.

Kini usab ang akong giatubang nga hagit sa eskwelahan. Sa sinugdanan, lisod kini kay kataw-an ko sa mga tawo. Apan gibati nako ang gugma sa Manluluwas sa akong kinabuhi. Siya mihupay nako ug mitabang nako.