Pagtahod sa Akong Lawas

Paghulagway pinaagi ni Katelyn Budge

Nag-eskwela ko sa usa ka eskwelahan nga daghan sa mga batang babaye kalagmitan nagsul-ob og dili desente nga sinina, moinom og kape, ug naghimo og mga pagpili nga wala mahisubay sa akong mga hiyas.

Ang Alang sa Kalig-on sa mga Kabatan-onan nga giya nakatabang nako nga magpabiling matinud-anon sa mga sugo ug sa akong mga gituohan. Pananglitan, nagsunod ko sa Pulong sa Kaalam, mao nga kon ang akong mga higala modapit nako nga magkape, matinahoron ko nga mobalibad. Kon mosugyot sila og piho nga mga matang sa sinina, ako mopili og mga sinina nga sa akong pamati komportable ug desente nga isul-ob. Nagtuo ko nga ang desenting pagsinina importante tungod kay ang atong mga lawas templo. Sa dihang mipili ko sa pagsinina og desente, ako nagpakita og pagtahod sa akong lawas ug pagpasalamat ngadto sa Dios.

Naningkamot ko sa paggamit sa mga pagtulun-an sa ebanghelyo sa akong inadlaw nga kinabuhi, ug sa higayon nga mag-atubang ko og mga hagit, modangop ko sa pagtuon sa kasulatan alang sa giya ug pagpadayag. Nasayod ko nga ang Langitnong Amahan ug si Jesukristo nahigugma nato. Ang Langitnong Amahan sa kanunay mogiya ug manalipod kanato kon kita magtinguha Kaniya. Bisan sa ginagmay nga mga paagi, Siya mopanalangin nato sa matag adlaw.