“Unsaon nako sa pagpakigbahin sa labing maayo nga paagi ang ‘bunga’ sa ebanghelyo ngadto sa uban, aron makita nila kon unsa kini ka importante alang nako?”

“Sunda ang ebanghelyo sa paagi nga dili kaduhaduhaan nga kamo lahi. Kon ang ubang mga tawo makakita nga ikaw naningkamot sa pagsunod sa imong mga gituohan, makuryuso sila niini. Kana ang labing maayo nga panahon sa pagpakigbahin sa imong pagpamatuod, sa imong gugma kang Kristo, ug unsa ikaw kamalipayon tungod sa ebanghelyo.”

Miguel A., 17, Asturias, Spain

“Ang usa sa mga bunga sa ebanghelyo mao ang hingpit nga kalipay. Ipakigbahin ang kalipay nga imong nakaplagan kang Kristo pinaagi sa yano nga pagpahiyom ug pagserbisyo sa uban sama sa gibuhat ni Jesus. Kon pangutan-on ka sa mga tawo kon kumusta ang imong tapos sa semana, ipakigbahin unsay imong mga kasinatian sa simbahan aron matabangan sila nga makakita unsa ka importante si Jesukristo kanimo.”

Eliza S., 16, Wicklow, Ireland

“Akong madapit ang mga tawo ngadto sa simbahan aron ilang makita ang maayo sa ilang kaugalingon!”

Cal ., 11, Texas, USA

“Nakadawat ko og labihan ka daghang panalangin pinaagi sa Pag-ula sa Manluluwas, nga mipuno sa akong kinabuhi sa hingpit nga kalipay. Ang presensiya sa Langitnong Amahan naghupay kanako ug naghatag kanako og pagsalig nga mopakigbahin niana nga hingpit nga kalipay. Ang pagpakigbahin sa akong mga gasa ug mga panalangin ngadto sa uban seguradong magpakita kanila unsa kaimportante ang ebanghelyo ngari kanako.”

Mariata M., 16, Tuamasaga, Samoa

“Ang pagsunod sa ebanghelyo diha sa panimalay ug sa publiko maoy unang lakang alang sa epektibo nga pagpakigbahin niini! Tingali ang mga tawo dili gustong makadungog sa unsay imong isulti, apan makakita sila unsay imong gibuhat, ug usa kana ka puno sa gahom nga pagpamatuod.”

Esteicy M., 19, Paraíba, Brazil

“Akong ikapakigbahin ang “bunga” sa ebanghelyo sa labing maayo nga paagi ngadto sa uban pinaagi sa pagkahimong maayo nga ehemplo kanila ug pagdapit kanila sa mga kalihokan.”

McLayne B., 15, California, USA